कोरोनाको इपीसेन्टर बन्दै कर्णाली
प्रकाशित मिति : जेष्ठ १२, २०७७ सोमबार
कर्णाली प्रदेशमा कोरोना संक्रमितको संख्या निरन्तर बढदै गएको छ । पहिलो कोरोना संक्रमित देखिएको नवौं दिनमा आइपुग्दा कोरोना संक्रमित पुष्टि हुनेको संख्या २३ जना पुगेको हो । यो सँगै कर्णाली प्रदेश भारतबाट आउने नागरिकहरुका कारण कोरोनाको इपीसेन्टर बन्ने निश्चित भएको छ । यसअघि दैलेखमा नै १ जना र सुर्खेतमा ३ जना संक्रमित भेटिएका थिए।
कर्णाली प्रदेशमा जेठ ९ गतेसम्म १ जना मात्र संक्रमित रहेका थिए। दैलेखका उनी नै कर्णालीका पहिलो संक्रमित भएको पुष्टि भयो। उनी भारतबाट आएका थिए। सोमबार फेला परेका नयाँ संक्रमित ७ जना पनि भारतबाट दैलेख आएका व्यक्तिहुन्।
नयाँ पुष्टि भएका आइतबार बंबई, सुव्बाकुना र घण्टाघरमा रहेको क्वारेन्टाइनमा बसेकाहरूबाट लिइएको रिपोर्ट पोजेटिभ आएको प्रदेश अस्पताल सुर्खेतका मेडिकल सुपरिटेन्डेन्ट डाक्टर डम्बर खड्काले जानकारी दिनु भयो । मंगलबार बिहान रिपोर्ट पोजेटिभ आएका १२ जनामध्ये १० जना वीरेन्द्रनगर नगरपालिकाका र २ जना सिम्ता गाउँपालिकाका रहेको उनले बताए । यो सँगै सुर्खेतमा कोरोना संक्रमित हुनेको संख्या १५ पुगेको छ भने दैलेखमा ८ गरी २३ पुगेको हो ।
कर्णालीमा मात्र सात हजार भित्रिए
कर्णाली प्रदेशका सल्यानदेखि रुकुम पश्चिमसम्म १० जिल्लामा मात्र करिब ७ हजार मानिस लकडाउनपछि भित्रिएको र विभिन्न जिल्लाका स्थानीय तहका क्वारेनटाइनमा राखिएको कर्णाली प्रदेशका सामाजिक विकासमन्त्री दल रावलले बताउनुभयो । दैलेखमा जिल्लामा मात्र अहिलेसम्म चार हजारभन्दा बढी भारतलगायत अन्य मुलुकबाट दैलेख भित्रिएको मन्त्री रावलको भनाइ छ।