कपिलवस्तुमा वडाअध्यक्ष र पत्रकारसहित थप ८ जनामा कोरोना पुष्टि


प्रकाशित मिति : जेष्ठ १०, २०७७ शनिबार

कपिलवस्तुमा ८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको विज्ञप्तीअनुसार थप ७ पुरुष र १ महिलामा कोरोना देखिएको हाे ।

वाणगंगा नगरपालिकाका एक वडाध्यक्ष र एक जना पत्रकारलाई समेत कोरोना संक्रमण पुष्टि भएको छ ।

कपिलवस्तुमा आज संक्रमित फेला परेकामा वाणगंगा नगरपालिकाका ५ पुरुष र १ महिला गरी ६ जना तथा बुद्धभुमि नगरपालिकाका २ पुरुष छन् ।

वाणगंगा नगरपालिकामा फेला परेका संक्रमित मध्ये ४० वर्षीय पुरुष वडा अध्यक्ष र २७ वर्षीय महिला सञ्चारकर्मी हुन् । शनिबार बिहान थप ८ जनामा कोरोना पुष्टि भएसँगै जिल्लामा कोरोना संक्रमितको संख्या ७७ पुगेको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com