नेपालमा एकै दिन ५९ जनामा कोरोना पुष्टि,संक्रमितको संख्या ५ सय १६
प्रकाशित मिति : जेष्ठ ९, २०७७ शुक्रबार
नेपालमा कोरोना संक्रमितको संख्या पाँच सय १६ पुगेको छ । शुक्रबार मात्रै ५९ जनामा कोरोना संक्रमण पुष्टि भएको छ । पछिल्लोपटक नौजनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जानकारी दिएका छन् ।
पछिल्ला संक्रमितमा बारामा ६ जना र भक्तपुर, मकवानपुर र सप्तरीमा एक–एकजनामा संक्रमण पुष्टि भएको अधिकारीले बताएका छन् । यसअघि शुक्रबार दिउँसो २० जना र बिहान ३० जनामा कोरोना संक्रमण पुष्टि भएको थियो । संक्रमितमध्ये ७० जना निको भएका छन् भने तीनजनाको मृत्यु भएको छ ।