विश्वकै होचा व्यक्तिको रुपमा विश्व कीर्तिमान राखेका खगेन्द्र थापामगरको मृत्यु
प्रकाशित मिति : माघ ३, २०७६ शुक्रबार
विश्वकै होचा व्यक्तिको रुपमा विश्व कीर्तिमान राखेका खगेन्द्र थापामगरको मृत्यु भएको छ। उनको २८ वर्षको उमेरमा पोखरामा मृत्यु भएको हो । थापामगरको उपचारका क्रममा मृत्यु भएको जनाइएको छ ।
खगेन्द्र विश्वकै होचा व्यक्तिको रुपमा २०६७ असोजमा गिनिज बुक अफ दि वर्ल्ड रेकर्डसमा नाम लेखाउन सफल भएका थिए। उनले विश्वकै होचा व्यक्तिको कीर्तिमान राखेका चाइनाका पीङपीङको रेकर्ड तोड्दै ८ महिना विश्वकै होचा व्यक्तिको कीर्तिमान राखेका थिए।
Guinness World Record setter 23 years old guy is dancing in Nepal. How many people do you know this little cute guy?https://t.co/NlILsaZwZq
— Kishor Panthi (@KishorPanthi) February 6, 2016
स्वास्थ्यमा समस्या आएपछि पोखरामा मणिपाल शिक्षण अस्पतालमा बिहीबारदेखि उपचार गराइरहेका थापाको शुक्रबार दिउँसो मृत्यु भएको हो । निमोनियाका कारण उनको मृत्यु भएको अस्पतालले जनाएको छ।
बागलुङको धुल्लुवासकोटका खगेन्द्रले २०६७ असोज २८ मा विश्वकै होचा व्यक्तिको रुपमा गिनिज बुक अफ वल्ड रेकर्डमा नाम लेखाएका थिए। २२ दशमलव ०४ इन्च उचाइ रहेका थापा १८ वर्षको उमेमा विश्व रेकर्ड कायम गरेका थिए।
खगेन्द्र पोखराको सिर्जनाचोकका बुवा रुपबहादुर थापा मगर र आमा धनमाया थापा मगरका साथ बस्दै आएका थिए। २०४९ असोज १८ गते जन्मेका थापा जन्मदा ६ सय ग्रामका मात्र थिए। उनको वजन ५.५ किलो ग्राम मात्र थियो।