अबुधावीमा १८ नेपाली चढेको बस दुर्घटना, ६ जनाको मृत्यु
प्रकाशित मिति : माघ २, २०७६ बिहीबार
युएईको अबुधावीमा भएको बस दुर्घटनामा ६ जनाको ज्यान गएको छ, जसमा नेपाली समेत रहेका छन् । घटनामा १९ जना घाइते भएका छन् । घाइतेमध्ये अधिकांश नेपाली रहेको जनाइएको छ ।
दुर्घटनामा १६ जना नेपालीहरु घाइते भएको युएईका लागि नेपाली राजदूत कृष्णप्रसाद ढकालले जनाएका थिए ।
ट्रकमा ठोकिएपछि बस दुर्घटनाग्रस्त भएको थियो । चालकको असावधानीका कारण बस दुर्घटना भएको प्रहरीले जनाएको छ । दुबई जाने अलराहा बिच रोडमा दुर्घटना भएको जनाइएको छ ।
अबुधाबीका कैयन सिसिटिभी फुटेजमा उक्त बस असावधानीपूर्वक ट्रकको अगाडि गुडिरहेको र ट्रकले बचाउन खोज्दासमेत दुर्घटनाभएको देखिएको छ ।
#أخبارنا | بسبب سلوك سائق طائش وفاة 6 أشخاص واصابة 19 آخرين في حادث مروري بأبوظبي#شرطة_أبوظبي #أخبار_شرطة_أبوظبي https://t.co/iw7YcMC68m pic.twitter.com/SHYLwdFcSK
— شرطة أبوظبي (@ADPoliceHQ) January 16, 2020
स्थानीय समय अनुशार विहान साढे ६ बजे उक्त दुर्घटना भएको हो । विहान ९ बजेतिर उक्त बाटो पुन खोलिएको थियो ।
उक्त बस अत्यन्तै तीब्र गतिमा रहेको समेत जनाइएको छ । घटना लगत्तै एम्बुलेन्स पुगेको थियो भने घाइतेहरुलाई उपचारका लागि अस्पताल लगिएको थियो ।
मृतकमध्ये पाँचजना महिला भएको जनाइएको छ । गाडी चालक भने पाकिस्तानी रहेको जनाइएको छ । गाडी चालकको पनि मृत्यु भएको छ । पाँच जना महिलामा एकजना नेपाली र एकजना श्रीलंकन रहेको बताइएपनि अरु तीनजना राष्ट्रियता खुलेको छैन ।
१९ जना घाइतेमध्ये केही श्रीलंका र युगाण्डाका समेत रहेको जनाइएको छ । बसमा २४ जना चढेकोमा १८ जना नेपालीहरु रहेको जनाइएको छ ।