अमेरिकामा गैरकानुनी छिरेर एसाइलम गर्नेलाई फिर्ता लिन मेक्सिको सहमत
अमेरिकामा मेक्सिकोको सिमाक्षेत्रबाट गैरकानुनी रुपमा प्रवेश गरेर एसाइलम खोज्नेलाई अदालती प्रकृया जारी रहँदाको बखतसम्म फिर्ता लिन मेक्सिकोले सहमति जनाएको छ । मेक्सिको हुँदै गैरकानुनी रुपमा अमेरिका प्रवेश गर्ने तेश्रो मुलुकका नागरिकलाई पनि अमेरिकामा अध्यागमन प्रकृया चलुन्जेलसम्मका लागि फिर्ता लिन मेक्सिको सहमत भएको हो ।
अमेरिकामा गैरकानुनी रुपमा प्रवेश गर्ने, पोर्ट अफ इन्ट्रीमा पक्राउ पर्नेलाई अमेरिकाका अध्यागमन अधिकारीहरुले अन्तरवार्ता लिएको खण्डमा र अध्यागमन न्यायाधिससमक्ष पेश हुनु अगाडि अदालतमा उपस्थीत हुने मिति प्राप्त गरेको खण्डमा उनीहरुलाई अमेरिकामा अध्यागमन प्रकृया जारी रहँदासम्मका लागि मेक्सिको बस्नका लागि मानवीय भिसा दिने मेक्सिकोका अधिकारीहरुले जनाएका छन् ।
अमेरिकामा ‘क्याच एण्ड रिलिज’ नीतिको अन्त्य, अब ‘क्याच एण्ड रिटर्न’, नेपाली प्रभावित
अब गैरकानुनी रुपमा अमेरिका प्रवेश गरेर एसाइलम गर्ने आवेदकले मेक्सिकोमा प्रतिक्षा गर्नुपर्नेछ । यदि अमेरिकी न्यायाधिसले एसाइलम स्वीकृत गरेमा आवेदकलाई अमेरिकामा स्वागत गरिनेछ भने अस्वीकृत गरेमा आवेदकलाई उसकै देशमा फिर्ता पठाइनेछ ।
गैरकानुनी रुपमा अमेरिका प्रवेश गर्नेलाई एसाइलमको अधिकार नै नदिने राष्ट्रपति डोनाल्ड ट्रम्पको कार्यकारी आदेश कार्यान्वयनमा अदालतले रोक लगाएपछि अमेरिकी सरकारले अमेरिकामा गैरकानुनी प्रवेश गरेर एसाइलम गर्नेलाई अध्यागमन प्रकृया जारी रहँदासम्मका लागि मेक्सिको फिर्ता पठाउने नियमको घोषणा गरेको हो । अमेरिकी सरकारको नयाँ नियमबाट नेपालीहरुसहित हरेक महिना १० औं हजार व्यक्ति प्रभावित हुनेछन् ।
अब अमेरिकामा गैरकानुनी रुपमा छिरेर एसाइलम गर्नेलाई मेक्सिको पठाइने (एक्सक्लुसिभ)
