बलात्कार मुद्दामा अष्ट्रेलियामा नेपाली युवालाई ६ वर्ष जेल सजाय
बलात्कारको मुद्दामा मेलबर्नका एक नेपाली युवालाई ६ वर्ष जेल सजाय सुनाएको छ ।
गत वर्ष सन् २०१७ को मार्च महिनामा एक युवतीलाई बलात्कार गरेको अभियोगमा ३० वर्षीय नेपाली युवा ईन्द्र भण्डारीलाई ६ वर्षको जेल सजाय तोकिएको हो।
अदालतको फैसलापछि भण्डारीले कम्तिमा पनि चार वर्ष जेलमा बिताउनु पर्नेछ । चार वर्षपछि भने उनी धरौटीमा रिहा हुन सक्नेछन् । तर, उनले आफूले बलात्कार गरेको स्वीकारेका छैनन् । उनले सहमतिमै आफूहरुबिच यौन सम्पर्क भएको न्यायाधीश समक्ष जिकिर गरेका छन् ।
तर, भिक्टोरियाको अदालतका न्यायाधीश रिचार्ड स्मिथले भने निज भण्डारीले कण्डमविना यौन सम्पर्क राखेको कुराले पनि पीडकले निजको बारेमा कुनै ख्याल नगरेको भन्दै सजाय सुनाएकी छिन् ।
पीडित युवती अष्ट्रेलियामा वर्किंग होलिडेमा काम गर्नका लागि आएकी थिइन् । अदालतको यो आदेशपछि अब भण्डारीले जेल सजाय पूरा गरेपनि उनलाई देश निकालासमेत हुनसक्नेछ ।