इजरायली हवाई आक्रमणले यमनको राजधानीमा तनाव, विमानस्थल र विद्युत केन्द्रहरू निशानामा
प्रकाशित मिति : बैशाख २३, २०८२ मंगलबार
(250506) — SANAA, May 6, 2025 (Xinhua) — Shattered glasses are seen after a U.S. airstrike in Sanaa, Yemen, on May 5, 2025. At least 14 people were injured in fresh U.S. airstrikes on Yemen’s capital of Sanaa early Monday morning, local medics told Xinhua. The medics said 14 residents in the densely populated Shu’ub neighborhood in the eastern part of Sanaa were injured as a result of the strikes, which also shattered windows in several homes and shops. (Photo by Mohammed Mohammed/Xinhua)
इजरायली लडाकु विमानहरूले मङ्गलबार यमनको राजधानी सानास्थित मुख्य विमानस्थल र विद्युत केन्द्रहरूमा आक्रमण गरेको छ। यो कारवाही इरान समर्थित हूथी विद्रोहीहरूले हालै गरेको मिसाइल आक्रमणको जवाफी भएको हूथीहरूले दाबी गरेका छन्।
हूथी सञ्चालित मिडिया र इजरायली सेनाका अनुसार, सानाको मुख्य विमानस्थल र राजधानी वरपरका केन्द्रीय विद्युत केन्द्रहरू आक्रमणको निशाना बने। प्रत्यक्षदर्शीहरूले साना शहरमा धेरै विस्फोटको आवाज सुनेको र विमानस्थललगायतका स्थानहरूबाट धुवाँको मुस्लो उठेको बताएका छन्।
इजरायली सेनाले विज्ञप्तिमा भनेको छ, “हामीले सानास्थित हूथी आतङ्ककारी पूर्वाधारहरूमा आक्रमण गरेका छौं। साथै, राजधानी क्षेत्रका थुप्रै विद्युत केन्द्रहरूलाई पनि क्षति पु¥याइएको छ।”
यसअघि सोमबार होडैदाको सिमेन्ट कारखाना र प्रमुख बन्दरगाहमा भएको हवाई हमलामा कम्तीमा चार जनाको मृत्यु भएको र ३५ जना घाइते भएको हूथी स्रोतहरूले जनाएका छन्। मङ्गलबारको आक्रमणले सानाको विमानस्थल, तीनवटा विद्युत केन्द्र र अमरानस्थित सिमेन्ट कारखानालाई लक्षित गरेको हूथी मिडियाले बताएको छ।
यी आक्रमणहरू आइतबार इजरायलको मुख्य विमानस्थलमा भएको हूथी मिसाइल हमलापछि भएका हुन्। इजरायली सेनाले मङ्गलबारको आक्रमणअघि यमनी नागरिकहरूलाई विमानस्थल खाली गर्न र सुरक्षित दूरीमा रहन चेतावनी दिएको थियो। इजरायली प्रवक्ता अविचाय अड्राईले सामाजिक सञ्जाल एक्समा अरबी भाषामा लेखे, “विमानस्थल नछाडे जोखिममा पर्न सक्नुहुन्छ।”
गाजामा इजरायलको सैन्य अभियान विस्तार र स्थानीय बासिन्दाहरूको स्थानान्तरण योजनाका कारण क्षेत्रीय तनाव चुलिएको छ। हूथीहरूले पछिल्ला आक्रमणहरूको दोष इजरायल र अमेरिकालाई लगाए पनि सोमबारको आक्रमणमा अमेरिका संलग्न नभएको एक अमेरिकी अधिकारीले स्पष्ट पारेका छन्। मङ्गलबारको आक्रमणबारे अमेरिकाको तत्काल कुनै प्रतिक्रिया आएको छैन।