पहिरोमा पुरिएर आमाछोरी र श्रीमान श्रीमतीको मृत्यु , ९ जना बेपत्ता

नेपाल डेस्क

---

प्रकाशित मिति : आश्विन ११, २०८१ शुक्रबार

पहिरोमा बेपत्ता भएकाको खोजी कार्य दमौली (तनहुँ), २२ असारः तनहुँको शुक्लागण्डकी नगरपालिका–७ काउरेमा शनिबार पहिरोमा परेर बेपत्ता भएकाको खोजी कार्य गरिँदै । पहिरोमा परेर तीन जना बेपत्ता भएका छन् । तस्बिर ः कृष्ण न्यौपाने÷रासस

देशका विभिन्न स्थानमा ४ जनाको मृत्यु भएको छ । अविरल वर्षासँगै पहिरो जाँदा कम्तीमा ९ जना बेपत्ता भएका छन् ।

पाँचथरको फिदिम नगरपालिका-४ चिसापानीमा पहिरोले घर पुर्दा दुईजनाको मृत्यु भएको छ।

फिदिम १२ घर भएकी २४ वर्षीया सपना शेर्पा र उहाँकी छोरी पाँच वर्षीया डोल्माको मृत्यु भएको प्रहरीले जनाएको छ।

उनीहरूलाई बिहान ४ बजेतिर पहिरोले पुरेको जिल्ला प्रहरी कार्यालय पाँचथरका प्रहरी प्रमुख (डीएसपी ) हेमन्त भण्डारीले जानकारी दिनुभयो । केही टाढा डेरा गरी बस्ने उनीहरू शुक्रबार राति साथीको घरमा सुत्न आएको प्रहरीले जनाएको छ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

काभ्रेपलाञ्चोकको तेमाल गाउँपालिका ७ मा भीम बहादुर तामाङको १ तल्ले घर पहिरोले पुरिँदा उहाँकी श्रीमती ५० वर्षीया पातली तामाङ र ४० वर्षीया नक्कली तामाङको मृत्यु भएको प्रहरीले बताएको छ ।

यसैगरी काभ्रेपलाञ्चोकको पनौती नगरपालिका-११ थुम्कीमा पहिरोले घर लग्दा पाँचजना सम्पर्कविहीन भएका छन्। स्थानीय अर्जुन भण्डारीको घर पुरिँदा भण्डारी दम्पतीसहित पाँचजना बेपत्ता भएका हुन्।

झापामा बाढीमा बगेर दुई जना बेपत्ता भएका छन् । अविरल वर्षासँगै आएको बाढीले झापाको कमल गाउँपालिका र कचनकवल गाउँपालिकामा एक–एक जनालाई बगाएको हो ।