हैदरावादले आईपीएलमा अहिले सम्मकै ठूलो स्कोर बनायो, मुम्बईलाई २७८ रनको लक्ष्य
India IPL Cricket
इन्डियन प्रिमियर लिग–२०२४ को आठौं खेलमा सनराइजर्स हैदरावादले मुम्बई इन्डियन्सलाई जितका लागि २७८ रनको लक्ष्य दिएको छ ।
टस हारेर ब्याटिङ गरेको हैदरावादले २० ओभरमा ३ विकेट गुमाएर २७७ रन बनाएको थियो । अभिषेक शर्माले २३ बलमा ६३ रन, ट्राभिड हेडले २४ बलमा ६२ रन र हेनरिक क्लासेनले ३४ बलमा ८० रन बनाए । एडेन मार्करामले २८ बलमा ४२ रनको योगदान दिए ।
हैदरावादले आईपीएल इतिहासमा सबैभन्दा ठूलो स्कोर बनाएको छ । यसअघिको कीर्तिमान आरसीबीको नाममा थियो । बेंगलुरुले २०१३ सिजनमा पुणे वारियर्सविरुद्ध २६३ रन बनाएको थियो।