चलिरहेको ट्रेनभित्र यात्रुमाथि छुरा प्रहार, २ जनाको मृत्यु सात घाइते

नेपाल डेस्क

प्रकाशित मिति : माघ ११, २०७९ बुधबार

उत्तरी जर्मनीमा चलिरहेको ट्ेनभित्र एक व्यक्तिले यात्रुमाथि छुरा प्रहार गरी सात जना घाइते बनाएको छ । जर्मन समाचार एजेन्सी डीपीएले पीडित मध्ये दुई जनाको मृत्यु भएको जनाएको छ।

प्रहरीले आक्रमणकारीलाई नियन्त्रणमा लिएको छ । ति व्यक्तिले चक्कु बोकेर ब्रोक्सस्टेड स्टेसनमा आइपुग्नु भन्दा केही समय अघि किलबाट ह्याम्बर्ग जाने क्षेत्रीय रेलमा धेरै यात्रुहरूलाई आक्रमण गरेको जर्मनीको संघीय पुलिस बलले बताएको छ । प्रारम्भिक अनुसन्धानमा सात जना घाइते भएको प्रहरीले जनाएको छ ।

डीपीएले श्लेस्विग-होल्स्टीन राज्यका आन्तरिक मन्त्री सबिन सटरलिन-वाचलाई उद्धृत गर्दै आक्रमणमा दुई जनाको मृत्यु भएको र अन्य पाँच जना घाइते भएको बताएको छ। आक्रमण स्थानीय समय अनुसार दिउँसो ३ बजे भएको थियो ।

समाचार एजेन्सीका अनुसार ब्रोकस्ट्याडको रेल स्टेशन लामो समय बन्द गरिएको थियो । प्रहरीले संदिग्धको पहिचानको बारेमा डीपीएलाई कुनै जानकारी उपलब्ध गराएको छैन, उनीहरूको सम्भावित कारणको अनुसन्धान भइरहेको बताएको छ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]