बेलायतमा थेरापीबाट यस अगाडि निको नहुने क्यान्सरको उपचार सफल
प्रकाशित मिति : मंसिर २५, २०७९ आईतबार
नयाँ प्रकारको औषधिको प्रयोगले बेलायतमा एक बालिकाको निको नहुने क्यान्सरको उपचार सम्भव भएको छ । यसअघि १३ वर्षीया एलिसाको ल्युकेमियाको हरेक उपचार असफल सावित भएको थियो ।
लण्डनको ग्रेट ओर्मन्ड स्ट्रीट अस्पतालका डाक्टरहरूले जैविक इन्जिनियरिङ मार्फत बेस एडिटिङ थेरापी प्रयोग गरेर उनका लागि जीवित औषधि सिर्जना गरे।
अब छ महिना बितिसक्दा पनि एलिसामा क्यान्सर भेटिएको छैन, तर क्यान्सर दोहोरिएमा समयमै पत्ता लगाउन सकियोस् भनेर उनको निगरानी भइरहेको छ ।
लेस्टरकी १३ वर्षीया एलिसा गत वर्ष मे महिनादेखि टी सेल एक्युटलिम्फोब्लास्टिक ल्युकेमियाबाट पीडित थिइन्। शरीरमा रहेका टी सेलहरूले शरीरलाई बाह्य तत्वहरूबाट जोगाउँछन् र प्रतिरक्षा प्रणालीको महत्त्वपूर्ण भाग हुन्।
6 months ago, after all other treatments for T-cell acute lymphoblastic leukaemia had failed, Alyssa became the first person in the world to receive base-edited cell therapy as part of a clinical trial at GOSH & @UCLchildhealth. Meet Alyssa & the research team behind the trial 👇 pic.twitter.com/YwCQfnCJux
— Great Ormond Street Hospital (@GreatOrmondSt) December 11, 2022
तर एलिसाको लागि रोग प्रतिरोधात्मक क्षमताको सट्टा यी टी कोशिकाहरूले शरीरलाई नै हानि गर्न थाले र अनियन्त्रित रूपमा बढ्दै गए। एलिसाको क्यान्सर निकै आक्रामक थियो।
केमोथेरापी र बोन म्यारो ट्रान्सप्लान्ट दुवै गरे पनि उनी क्यान्सरबाट मुक्त हुन सकिनन् । यदि यो नयाँ थेरापी प्रयोग नगरेमा डाक्टरहरुसँग एलिसाको लागि एउटै विकल्प बाँकी थियो, जुन विद्यमान उपचारबाट दुखाइ कम गर्नु थियो ।
एलिसा भन्छिन्, ‘बिस्तारै म मृत्युको मुखमा गएको भए हुन्थ्यो ।
एलिसाकी आमा कियोना भन्छिन्, -‘पछिल्लो क्रिसमसमा उनी निकै डराएकी थिइन्। उनी जनवरीमा आफ्नो १३ औं जन्मदिनमा निकै रोइन् । तर अहिलेको नतिजा अविश्वसनीय छ ।’