काठमाडौं महानगरपालिकाले दशैंलक्षित खोप अभियान चलाउने
काठमाडौं महानगरपालिकाले दशैंलक्षित खोप अभियान चलाउने भएको छ। असोज २२ देखि २४ गते अपरान्हसम्म १८ वर्षमाथिका नागरिकका लागि कोभिडविरुद्धको खोप दिन लागिएको हो।
महानगरका सबै वडाबाट खोप दिइनेछ । यो खोप पहिलो डोज लिनेका लागि हो। खोप लगाउन विद्युतीय दर्ता गरेर फोटो भएको परिचय पत्रसहित खोप केन्द्र जानु पर्नेछ।
महानगरका ३२ वटा खोप केन्द्रबाहेक नेपाल प्रहरी अस्पताल महाराजगञ्ज, वीर अस्पताल, निजामति कर्मचारी अस्पताल, परोपकार प्रसूति तथा स्त्रीरोग अस्पताल, थापाथली र वीरेन्द्र सैनिक अस्पताल छाउनीबाट पनि खोप लिन सकिनेछ।
vaccine.mohp.gov.np बाट विद्युतीय नाम दर्ता गराउन सकिन्छ ।