न्युयोर्क म्यानहटनमा रेष्टुरेण्टको आउटडोर सेटअपमा गाडी जोतियो, ८ जना घाइते (भिडियो)
प्रकाशित मिति : फाल्गुन २१, २०७७ शुक्रबार
न्युयोर्कको म्यानहटनमा एउटा रेष्टुरेण्टको आउटडोर सेटअपमा गाडी जोतिंदा ८ जना घाइते भएका छन्, २ जना बालक समेत छन् । एउटा भ्यानले शुक्रबार विहान नियन्त्रण गुमाएपछि रेष्टुरेण्टको आउटडोर डाइनिङमा ठोक्किएको थियो ।
सेकेण्ड एभिन्यु र इस्ट ५० स्ट्रीट नजिक दुर्घटना भएको हो । घाइते दुईजना बालकका एकजना ५ र अर्को ७ बर्षको रहेको जनाइएको छ । ९४५ सेकेण्ड एभिन्युमा रहेको क्रेभ फिसबार नामको रेष्टुरेण्टको आउडोर सेटअपमा दुर्घटना भएको हो ।
रेष्टुरेण्टको आउटडोर सेटअपमा कोही व्यक्ति नरहेपनि उछिट्एिका टुक्राहरुले ती दुई बालकहरुलाई लागेको र घाइते भएको प्रहरीले जनाएको छ । इस्ट ५० स्ट्रीटबाट जोतिन सुरु गरेको भ्यान फलफुल स्ट्याण्ड र स्काफोल्डमा ठोकिदै ४९ स्ट्रीटमा आएर रोकिएको थियो ।
CAR DRIVES INTO NYC OUTDOOR DINING AREA: A vehicle drove into an outdoor dining area at 50th Street and 2nd Avenue in Manhattan, New York https://t.co/qG6CqFoRnw
— NowThis (@nowthisnews) March 5, 2021
चालकको स्वास्थ्य समस्या रहेको जनाइएको छ । चालकबिरुद्ध प्रहरीले कुनै मुद्दा नचलाउने जनाइएको छ । घाइतेहरुलाई बेलिभ्यु अस्पतालमा लगिएको जनाइएको छ । उनीहरुको अवस्था सामान्य रहेको जनाइएको छ ।
WATCH: Security video of a van colliding with a car before slamming into an outdoor dining setup, then crashing into scaffolding near 50th St. and 2nd Ave.
8 people injured, including 2 children; van driver in custody, police say
Read more: https://t.co/9TYD5u3djI pic.twitter.com/cQXjp9Rog1
— PIX11 News (@PIX11News) March 5, 2021
घाइतेमध्ये एकजनाको हड्डी टुटेको जनाइएको छ । घाइते दुई बालकलाई भने उडेको टुक्राले छालामा लछारेको जनाइएको छ । दुर्घटना भएको बेलामा रेष्टुरेण्ट बन्द रहेको थियो ।