बाइडेन प्रशासनबाट आइसमाथि नियन्त्रण, देशनिकालाका उडानहरु रद्द
प्रकाशित मिति : माघ २४, २०७७ शनिबार
डिपार्टमेन्ट अफ होमल्याण्ड सेक्युरिटीमा अलेहान्द्रो मेयरकास सेक्रेटरीमा नियुक्त भएलगत्तै आइसले तय गरेका देशनिकालाका उडानहरु रद्द गरिएका छन् । मेयरकासको नियुक्ती गत मंगलबार सिनेटबाट स्वीकृत भएको थियो ।
तर इमिग्रेशन एण्ड कस्टम इन्फोर्समेन्ट आइसले भने बाइडेन प्रशासन आइसकेपछि पनि लगातार देशनिकालाका उडान तालिकाहरु त्य गरिरहेको थियो । बाइडेन प्रशासन आइसकेपछि पनि सयौंलाई अमेरिकाबाट देशनिकाला गरिसकिएको छ ।
बाइडेन प्रशासनले कम्तीमा एकसय दिन देशनिकाला स्थगित गरेकोमा अदालतले उक्त स्थगन कार्यान्वयनमा रोक लगाएको थियो । तर आइसले भने देशनिकालाका उडानहरु अघिल्लो साता र यो साता पनि जारी राखेको थियो । तर अहिले डिपार्टमेन्ट अफ होमल्याण्ड सेक्युरिटीले हैटीका लागि तय भएका देशनिकालाका उडानहरु रद्द गरिदिएको छ ।
एक्सक्लुसिभ: अमेरिकी अध्यागमन जेलमा ७९ नेपाली, बाइडेनकालमा रिहा हुने आशा
नवनियुक्त होमल्याण्ड सेक्रेटरी मेयरकासलाई कैयन सामुदायिक कार्यकर्ता र सांसदहरुले समेत देशनिकालाका उडानहरु रद्द गर्न माग गर्दै लगातार फोन गरेपछि तय भएका उडानहरु रद्द गरिएको जनाइएको छ । यो स्थगन कतिसमय लागु हुने भन्ने केही बताइएको छैन भने आइसपनि यसबारे केही बोलेको छैन ।
बिहिबार दुईवटा देशनिकालाका उडानहरु तय भएका थिए । उनीहरुलाई जनस्वास्थ्य सम्बन्धित नियम अनुशार देशनिकाला गर्न लागिएको थियो । यो प्रावधान ट्रम्प प्रशासनभन्दा अगाडि खासै प्रयोग भएको थिएन ।
अमेरिकी अध्यागमनको त्रुटी: फ्रेन्च भूभागमा जन्मिएका व्यक्तिलाई हैटी देशनिकाला