अमेरिकी अध्यागमनको त्रुटी: फ्रेन्च भूभागमा जन्मिएका व्यक्तिलाई हैटी देशनिकाला
प्रकाशित मिति : माघ २१, २०७७ बुधबार
न्युयोर्कका वित्तिय परामर्शदाता पउल पियरलसलाई मंगलबार अमेरिकाको इमिग्रेशन एण्ड कस्टम इन्फोर्समेन्ट आइसले उनीसँग सम्बन्धित नरहेको देश हैटीमा देशनिकाला गरेको छ । पउल हैटीका नागरिक नभएको र उक्त देशमा कहिलेपनि नगएको जनाइएको छ ।
ट्रम्प प्रशासनले पउललाई जनवरीमा अमेरिकाबाट देशनिकाला गर्न खोजेको थियो । तर न्युयोर्कका एकजना सांसद र आप्रवासी अधिकारकर्मीहरुको सहयोगमा उनलाई देशनिकाला हुनबाट बचाइएको थियो । तर अहिले कसैलाई थाहा नदिई उनलाई हैटी पठाइएको न्युयोर्कका सांसद मोन्डायर जोन्सले जनाएका छन् ।
At 3am, my staff woke up to an urgent call. Suddenly, and in the dead of night, ICE was set to deport Rockland County’s beloved Paul Pierrilus to Haiti, a country where he has never been.
And there was nothing we could do to stop it.
— Rep. Mondaire Jones (@RepMondaire) February 2, 2021
आफूले विहान ३ बजे यसबारे जानकारी पाएको तर रोक्नलाई केही गर्न नसकेको उनले बताएका छन् । हैटीमा देशनिकाला गरिएका पउल फ्रान्सको क्यारेबियन भूभाग सेन्ट मार्टिनमा जन्मिएको तर उनी बाल्यकालमा नै अमेरिका आएकाले फ्रान्सले पनि आफ्नो नागरिकका रुपमा नमानेको जनाइएको छ ।
पउल सन् २००३ मा लागुऔषधको कारोबारमा दोषी ठहरिएका थिए । उनले आफ्नो अपराधको सजाय काटेपछि अध्यगमन न्यायाधिसले उनलाई देशनिकालाको आदेश दिएका थिए । हैटीका राजदूतले यसअगाडि गरेको ट्वीटमा पउल हैटीका नागरिक नभएको र उनलाई देशनिकाला गरेर हैटी पठाउन नसकिने बताएका थिए ।
पउल मंगलबार हैटीको राजधानीमा अवतरण गरिसकेका छन् । तर हैटी प्रवेशका लागि उनीसँग कुनै ट्राभल डकुमेन्ट छ्रैन । उनका वकिल निकोल फिलिप्सले राज्यविहिन व्यक्तिलाई देशनिकाला गरेर हैटी पठाएर अमेरिकाले गम्भिर गल्ती गरेको बताएका छन् ।