प्रतिनिधिसभाबाट ट्रम्पबिरुद्धको महाभियोग प्रस्ताव पारित, १० रिपब्लिकन महाभियोगका पक्षमा
प्रकाशित मिति : पुस २९, २०७७ बुधबार
❒ अमेरिकी राष्ट्रपति डोनाल्ड ट्रम्पबिरुद्धको महाभियोग प्रस्तावमा संसदको तल्लो सदन प्रतिनिधिसभाबाट पारित
❒ महाभियोग प्रस्तावका पक्षमा २३२ र विपक्षमा १९७ मत
❒ विद्रोहका लागि उत्तेजना फैलाएको अभियोगसहित ट्रम्पबिरुद्धको महाभियोग प्रस्तावका पक्षमा १० रिपब्लिकन सांसदबाट मतदान
❒ खसोखासमा थप समाचारहरुका लागि यहाँ क्लीक गर्नुहोला ।
अमेरिकी राष्ट्रपति डोनाल्ड ट्रम्पबिरुद्धको महाभियोग प्रस्तावमा संसदको तल्लो सदन प्रतिनिधिसभाबाट पारित भएको छ । प्रस्तावबारे दिउसो ४ बजेपछि मतदान सुरु गरिएकोमा महाभियोगका पक्षमा १० जना रिपब्लिकन सांसदहरुले मतदान गरेका छन् ।
महाभियोग प्रस्तावका पक्षमा २३२ र विपक्षमा १९७ मत खसेको छ । ४ जना रिपब्लिकन मतदानमा सहभागी भएनन् ।
त्यसअगाडि विहान सबा ९ बजेदेखि प्रस्तावबारे छलफल गरिएको थियो । डेमोक्रेटिक सांसदहरुले ट्रम्प पक्षधर आक्रमणकारीहरु आतंकारीहरु भएको र उनीहरुलाई ट्रम्पबाट कट्टर बनाइएको बताएका थिए । अमेरिकामा मेक अमेरिका ग्रेट अगेन नामको गृहयुद्ध सुरु गर्न खोजिएको उनीहरुले आरोप लगाएका थिए ।
महाअभियोग प्रस्तावको पूर्ण पाठ
प्रतिनिधिसभाको अर्को बैठक शुक्रबार विहान ११ बजे बस्नेछ ।
ट्रम्पबिरुद्ध उनको ४ बर्षे कार्यकालमा दोश्रोपटक महाभियोग प्रस्ताव ल्याइएको हो । दुईपटक नै महाभियोग प्रस्ताव प्रतिनिधिसभाबाट पारित भएको छ । बुधबार यसको प्रकृया अगाडि बढाउने क्रममा क्यापिटल हिलमा सुरक्षा व्यवस्था कडा बनाइएको थियो ।