परिवारको महत्व यो बेला अझ बढेको महसुस गरेर छोरासँग बस्न आएँ : यम बराल
प्रकाशित मिति : बैशाख २१, २०७७ आईतबार
– यम बराल
कोविड १९ ले हाम्रो देश नेपालमा मात्र होइन, विश्व नै आक्रान्त बनेको छ । अन्य मुलुकको तुलनामा हाम्रोमा अहिलेसम्म अप्रीय घटना घटेको छैन । यसरी हेर्दा हामी केही सुरक्षित नै छौँ ।
म पनि आम नागरिक सरह, नेपाल सरकारको निर्णयलाई पालना गर्दै क्वारेन्टीनमा बसेको छु । क्वारेन्टीनमा बस्दा पहिलो काम कोरोनाकै बारेमा जनचेताना जगाउने भिडियो घरमै बसेर निर्माण गरी, सोसल मिडिया मार्फत प्रशारण गरेका छौँ । यसमा जेनिस प्रधानको संगित रहेको छ,भने हामी ८/१० जना सर्जकहरु मिलेर काम गरेका छौँ । यसबाट सामाजिक जनचेतना जगाउन कलाकारको हिसाबले सोसल मिडिया मार्फत जनतासँग पुर्याउने काम गरेको छु । अहिले मैले गर्ने योगदान यहि नै हो ।
यसैगरी, आफ्नो १२ औँ एल्वमको तयारीमा जुटेको छु । काम लकडाउन पहिलादेखि सुरु भएको हो,अहिले त्यसलाई निरन्तरता दिएको छु ।
बिशेषगरी गितहरु कम्पोज गर्ने,एरेन्ज गर्ने र डिजाइनको काम भैरहेको छ । त्यसका साथै मेरा जति पनि पुराना गित, कारणबस रोकिएका थिए, ती गितहरुलाई पोलिस गर्ने काममा पनि जुटेको छु ।
लकडाउनमा यत्तिकै समय बिताउनुभन्दा श्रृजनाको पोलिस गर्ने ,शारिरीक ब्यायाम र खानपानलाई पनि बढी ध्यान दिने गरेको छु । यो बेला हामी सबैले खानपानमा बढी नै ध्यान दिनु पर्दछ । शरिरलाई तन्तुरुस्त बनाउन गित बजाएर नाच्ने पनि गर्दछु ।
यो बेला परिवार चाहिने रहेछ भन्ने महशुस गरेको छु । त्यसैले छोरा, दाई/भाउजु र ठूलो मुमासँग बस्न पुख्र्यौली घरमा आएको छु । यो बेला मेरो परिवारमा मात्र होइन, सबैको परिवारमा पारिवारिक सामिप्यता बढेको छ । परिवारसँगै समय बिताईरहेको छु ।
कोरोनाबाट बच्न आफूले जानेका कुरा जनचेतनाको लागि समाजिक सञ्जालबाट बोली रहेको पनि छु । यसरी नै दैनिकी चलेको छ ।
अन्त्यमा, हामीले कोरोना पक्कै पनि जित्ने छौँ । अहिले कोरोनाभाइरसबाट जति पनि संक्रमित ब्यक्तिहरु हुनुहुन्छ, उहाँहरुको स्वास्थ्य लाभको लागि प्राथना गर्दछु । उहाँहरु छिटो निको हुनुहोस् । नेपालबाट कोरोनाको छिट्टै अन्तभएको खुशीको खबर सुन्न पाउनेछौँ ।
(नेपालका बरिष्ठ गायक यम बरालसँग खसोखास प्रतिनिधि अस्मीता खड्काले गरेको कुराकानीमा आधारित)