के मैले अमेरिकाको एउटा राज्यबाट वर्क परमिट लिएर अर्को राज्यमा काम गर्न सक्छु ?

खसोखास अमेरिका ब्यूरो

---

प्रकाशित मिति : कार्तिक ३०, २०७६ शनिबार

मैले अमेरिकाको एउटा राज्यबाट वर्क परमिट लिएर अर्को राज्यमा काम गर्दैछु । बैंक एकाउन्ट पनि खोलेको छु । केही समस्या होला कि नहोला ?

एउटा राज्यमा वर्क परमिट लिएर अर्को राज्यमा गएर काम गर्दा समस्या हुनसक्छ । उदाहरणका लागि उहाँले न्युयोर्कको क्वीन्समा बस्ने बताएर न्युयोर्कको अध्यागमन अदालतमा एसाइलमको मुद्दा लड्दै हुनुहुन्छ तर उहाँ टेक्सासमा गएर काम गर्दै हुनुहुन्छ र त्यहाँ बैंक एकाउन्ट पनि खोल्नु भएको छ भने अदालती सुनुवाईका बेलामा समस्या हुनसक्छ ।

यदि उहाँले जहाँबाट वर्क परमिट लिएको हो त्यहाँ नबस्ने कुरा प्रमाणित भएमा जहाँ बसेर काम गरेको हो त्यहाँ मुद्दा स्थानान्तरण हुनसक्छ । यसो हुँदा उहाँको केसमा बर्षौ ढिलाई हुने खतरा समेत रहन्छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

उहाँले कुन आधारमा वर्क परमिट लिनुभएको हो, त्यो आधारमा पनि फरक पर्छ । यदि एक्स्ट्राअर्डिनरी ग्रिनकार्ड कुरेको अवस्थामा वर्क परमिट लिनुभएको छ भने अमेरिकाभर जहाँ बसेर काम गर्दा पनि समस्या पर्दैन । पारिवारिक वा रोजगारमा आधारित गिर्नकार्ड आउन बाँकी रहेको अवस्था वा टीपीएसमा वर्क परमिट लिएको अवस्थामा फरक पर्दैन । तर एसाइलमका सन्दर्भमा फरक पर्छ । सेल्फ पिटिशन गर्नेहरुका सन्दर्भमा फरक पर्दैन ।

(यो प्रश्नको जवाफ न्युयोर्कका चर्चित नेपाली कानुन व्यवसायी रमेश श्रेष्ठले दिनुभएको हो । यदि तपाईले उहाँलाई सम्पर्क गर्न चाहनुहुन्छ भने यहाँ क्लीक गर्नुहोला । कुनै प्रश्न भएमा [email protected]मा इमेल गर्नुहोला ।)