३४ बर्षदेखि फूलखेती गर्दै आएकी सानुमैया तामाङ (फोटो फिचर)
प्रकाशित मिति : ८ कार्तिक २०७६, शुक्रबार
नेपालीहरुको महान चाड दीपावली सबैको घर आंगनमा आइपुगेकोे छ । देउसी र भैलोले सामाजिक सञ्जाल र रेडियो टेलिभिजनमा गुञ्जायमान सुरु गर्न थालिसके ।
‘फुलै फुलको चाड’ भनेर चिनिने तिहारमा मखमलि र सयपत्रि फुलको बजार निकै उत्साहजनक हुने गर्दछ, हरेक वर्ष । यस वर्षपनि देशका विभिन्न भागमा फुलको बजार निकै उत्साहजनक देखिन्छ । नागर्जुन नगरपालिका इचंगुकी सानुमैयां तामाङ वर्षौंदेखि फुलखेती गर्दै आएकी छिन् ।
उनले ०४२ सालदेखि फुलखेती गर्दै आएकी हुन् । उनले फुलखेती मात्र गरेकी छैनिन्, दैनिक रोजगारीका लागि विदेशीएका युवाहरुका लागि प्रेरणा पनि दिँदै आएकी छिन् ।
उनी विचौलिया लगाएर बजारमा फुल पुर्याउन भन्दा युवाहरु आफैंले फुल खेती गरेर मनग्य आम्दानी गर्नसक्ने बताउँछिन् । पहिले फुल खेती गरेर केहीबेर के गर्छेस् भन्नेहरु आज आफूलाई देखेर दंग पर्ने उनी बताउँछिन् ।
सरकारले फुल खेतीलाई व्यवस्थित गर्न नसकेको उनको गुनासो छ । सुरुमा ३०० ढ्वाङ फुल बेच्ने उनी हिजोआज ९००/१००० ढ्वाङ बेच्ने बताउँछिन् ।
