Follow @khasokhasmag

चुनावका लागि नयाँ शक्तिले दियाे, तीन विकल्प


प्रकाशित मिति : फाल्गुन १०, २०७३ मंगलबार

स्थानीय तहको चुनाव घोषण लगत्तै राजनीतिक दलका प्रतिक्रिया आउन थालेका छन् । नयाँ शक्तिले पनि आप्नो मत बाहिर ल्याएको छ । सरकारले हिजो मात्र बैशाख ३१ मा स्थानीय तहको चुनाव गर्ने घोषणा गरेको थियो ।

नयाँ शक्तिका संगठन विभाग प्रमुख देवेन्द्र पौडलेले आफुहरु चुनाव फेस गर्न तयार रहेको तर चुनावका लागि तीन वटा विकल्प अगाडि सारेको बताए । ती विकल्प देशलाई निकाश दिने खालका रहेको उनको भनाई छ । ‘हामी चुनावका लागि तयार छौँ । तर, अहिलेको राजनीतिक समस्या हल गरेर मात्र चुनाव गर्नुपर्छ भनेर हामीले विकल्प अगाडि सारेका हौँ ।’

यस्ता छन नयाँ शक्तिले दिएका तीन विकल्प :

पहिलो विकल्प – वार्ता र सहमति
विभिन्न माग राखेर असन्तुष्ट पक्षसँग वार्ता र सहमति गरेर चुनावमा जादा त्यसले सही निकाश दिन्छ भन्ने नयाँ शक्तिको धारणा छ । कसैले उपयोग गर्ने, कसैले विरोध गर्ने र कसैले बहिस्कार गर्ने चुनावबाट देशमा राजनीतिक समस्याको समाधान हुँदैन ।

दोस्रो विकल्प – संविधान संसोधन र सीमाङ्कनको टुंगो
नयाँ शक्तिले चुनावका लागि संविधान संसोधन र सीमाङ्कनको टुंगो अनिवार्य भएको भन्दै यसमा ध्यान दिनुपर्ने बताएको छ । संविधान संसोधन र सीमाङ्कनको टुंगो नलगाई गरिने चुनावले राजनीतिक समस्या हल गर्न कठिन हुने नयाँ शक्तिको बुझाई छ ।

तेस्रो विकल्प – एकै पटक तीन वटा चुनाव
नयाँ शक्तिले तीन वटा चुनाव एकैपटक गर्न व्यवहारिक हुने विकल्प अगाडि सारेको छ । चुनावलाई कम खर्चिलो बनाउन ०७४ माघ भित्र तीनवटै चुनाव एकैपटक गर्न सकिने नयाँ शक्तिको बुझाई छ । सरकारले स्थानीय तहको चुनावका लागि निर्वाचन आयोगलाई १० अर्ब २९ करोड रुपैयाँ निकाशा दिने निर्णय हिजो नै गरेको छ । यही विषयलाई लिएर नयाँ शक्तिले उकै पटक चुनाव गर्दा कम खर्चमा गर्न सकिने विकल्प अगाडि सारेको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com