आईसीस संस्थापक ओबामा र सहसंस्थापक हिलारी रहेको ट्रम्पको कडा आरोप, अमेरिकामा खैलाबैला

खसोखास अमेरिका ब्यूरो

---

प्रकाशित मिति : श्रावण २७, २०७३ बिहीबार

अमेरिकी राष्ट्रपतिका रिपब्लिकन उम्मेदवार डोनाल्ड ट्रम्पले आतंकबादी संगठन आईसीसका संस्थापक अमेरिकी राष्ट्रपति बराक ओबामा भएको आरोप लगाएका छन् । उनले आईसीसका सहसंस्थापक राष्ट्रपतिका डेमोक्रेटिक उम्मेदवार हिलारी क्लिन्टन रहेको आरोप लगाए । ट्रम्पले पटकपटक दोहोर्याउदै आईसीसको संस्थापक ओबामा भएको बताएपछि अमेरिकामा भयानक विवाद सुरु भएको छ ।

इराकमा चलिरहेको युद्धमा अमेरिकाले गल्ती गरेको भन्दै ट्रम्पले ओबामालाई इराकमा दुर्गन्ध फैलाएको र पछि सफा गर्न खोजेको आरोप लगाए । आईसीसले राष्ट्रपति ओबामालाई सम्मान गर्ने र ओबामा आईसीसका संस्थापक रहेको ट्रम्पको आरोप थियो । बिहिबार विहान सीएनबीसीको कार्यक्रममा ट्रम्पले पुन दोहोर्याउँदै भने आईसीसका संस्थापक ओबामा नै हुन् । जसरी उनले इराकबाट अमेरिकी सेना हटाए, तिमीले त्यस्तो गर्नु हुँदैनथ्यो । यो एउटा अत्यन्तै दुखद गल्ती थियो । इतिहासकै खराब गल्ती । हामीले मध्यपूर्वलाई अस्थीर बनायौं । यसको मूल्य हामीले वर्षौदेखि चुकाइरहेका छौं । उनी आईसीसीका संस्थापक नै हुन् ।

सुरुमा ओबामा भन्दै आरोप लगाएपनि पछि ट्रम्पले ओबामाको पूरा नाम बराक हुसैन ओबामा भनेरै आरोप लगाएका थिए । विपक्षीहरुले ओबामा प्रशासनले राष्ट्रपतिको बीचको नाम मुस्लिमहरुको सहानुभूतीका लागि हाइलाइट गरेको आरोप लगाउँदै आएका छन् भने ट्रम्पले ओबामा अमेरिकामा नजन्मेको आरोप लगाउँदै आएका छन् । वास्तवमा ओबामा अमेरिकामा नै जन्मिएका क्रिश्चियन हुन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्