Follow @khasokhasmag

कतारमा अलपत्र ८० नेपालीलाई अन्तर्राष्ट्रिय नेपाली समाज कतारद्धारा राहत


प्रकाशित मिति : फाल्गुन ७, २०७३ शनिबार

दोहा । कतारमा अलपत्र परेका ८० जना नेपालीलाई नयाँ शक्ति निकट अन्तर्राष्ट्रिय नेपाली समाज कतारले राहत सामग्री वितरण गरेको छ ।

वैदेशिक रोजगारीको शिलशिलामा कतार पुगेर दुई महिनादेखि अलपत्र नेपालीलाई समाजले एक लाख ५० हजार बरारबको खाद्यान्न सहयोग गरेको समाजका संयोजक बिबी खरालले जानकारी दिनुभयो । कतार ल्याउने कम्पनी सञ्चालक नै कामदारलाई तलब नदिई सम्पर्कविहिन भएपछि नेपाली कामदारहरु अलपत्र पर्नुभएको हो । अलपत्र नेपालीहरुले विगत दुई महिनादेखि उनीहरुले कतारमा रहेका आफन्त तथा चिनजानका नेपालीसँग सहयोग मागेर दैनिक एक छाक मात्र खाएर दिन कटाइरहेका कतारबाट संयोजक खरालले जानकारी दिनुभयो ।

अलपत्र नेपालीहरुले पटकपटक नेपाली दूतावासमा सम्पर्क गर्दा पनि दूतावासले गम्भीरतापूर्वक नलिएको कानुनी प्रक्रियामा जान अप्ठेरो परेको गुनासो गर्नुभएको खरालले बताउनुभयो । साँघुरो कोठामा १०–१२ जना बस्न बाध्य उनीहरु बसाई तथा खानाको कारण बिस्तारै बिरामी समेत पर्न लागेपछि थप समस्यामा पर्नुभएको हो । सनैया ४१ राईट एचबिके कम्पनी पछाडिको क्याम्पमा रहेका पीडित कामदारले आफुलाई अलपत्र पार्ने स्केल लगायतका पाँच कम्पनीलाई कानुनी कारबाही गरी आफनो उद्धार गर्न आव्हान गर्नुभएको छ ।

समाजका संयोजक खरालले पीडितको उद्धार गर्न हरतरहले प्रयास गरिरहेको जानकारी दिनुभयो । शुक्रबार अन्तर्राष्ट्रिय नेपाली समाजको तर्फबाट राहत वितरण समितिका संयोजक तथा मुस्लिम विभाग प्रमुख इब्राहिम मिया, सदस्यहरु कलिम मिया, करिम मिया, अकबर मिया, बसन्त मिया, बसिर मिया, अन्तर्राष्ट्रिय नेपाली समाजका कतारका माहसचिव महम्मद कार्की, उपसंयोजक दुर्गा सुनार, लाल भट्ट, सन्तोष बस्नेत, संगम भट्टराई, युवा नेता मनोज दाहाल, देव परियार, नविराज खान, तार्केस्वर यादव, अक्कल जिम्मा,नवीन गिरी, बसन्त तामाङ, सञ्चारकर्मी सन्तोष क्षेत्रीलगायतको पहल र सहयोगमा रकम जुटाइएको समाजका संयोजक खरालले जानकारी दिनुभयो ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com