ग्रिनकार्डवाहकलाई विवाह गर्ने उपयुक्त समय, विवाह गर्नासाथ दम्पत्तिका लागि ग्रिनकार्ड फाइल गर्न पाइने
प्रकाशित मिति : जेष्ठ ३१, २०७६ शुक्रबार
यदि तपाई अमेरिकी ग्रिनकार्डवाहक हुनुहुन्छ र तपाईले विवाह गर्ने व्यक्ति अमेरिकामा नै हुनुहुन्छ भने यो विवाहका लागि अत्यन्तै उपयुक्त समय हो । विवाहपछि तपाईले जुलाईमा तपाईको दम्पत्तिका लागि अँई १३० आवेदन र ग्रिनकार्ड आवेदन एकसाथ दिन पाउनुहुनेछ ।
विगतमा जस्तो तपाईको दम्पत्तिले १४ महिनासम्म स्टाटस जोगाएर बस्नुपर्ने बाध्यता हुनेछैन । ग्रिनकार्डका लागि आई ४८५ आवेदन दिनासाथ तपाईको दम्पत्तिले वर्क परमिट प्राप्त गर्न सक्नुहुनेछ । जुलाई महिनामा यो दृष्टिकोणबाट हेर्दा ग्रिनकार्डवाहकले पनि अमेरिकी नागरिकसरह सुविधा प्राप्त गरेका छन् । तर आई १३० आवेदन दिंदासम्म तपाईको दम्पत्तिको अमेरिकामा गैरकानुनी उपस्थीति भएको भने हुनुहुँदैन ।
अमेरिकी सरकारको विदेश मन्त्रालयले जारी गरेको जुलाई महिनाको भिसा बुलेटिनले अमेरिकामा नै रहेका दम्पत्ति वा छोराछोरीका लागि आवेदन दिन चाहने वा दिएका ग्रिनकार्ड बाहकका लागि सुखद खबर बोकेर आएको हो । झण्डै २ बर्ष कुर्नुपर्ने भयानक ब्याकलगको अन्त्य गरेर ग्रिनकार्ड बाहककका दम्पत्ति र छोराछोरीका लागि जुलाई महिनामा भिसा करेन्ट हुने भएको हो ।
यदि तपाई ग्रिनकार्ड बाहक हुनुहुन्छ भने र अमेरिकामा रहेका आफ्ना श्रीमान् वा श्रीमति तथा २१ बर्ष मुनिका छोराछोरीहरुका लागि आई १३० आवेदन दिनुभएके छ भने जुलाईमा आई ४८५ ग्रिनकार्ड आवेदन दिनका लागि कानुन व्यवसायीहरुले सुझाव दिएका छन् । यदि तपाई ग्रिनकार्ड बाहक हुनुहुन्छ भने र अमेरिकामा रहेका आफ्ना श्रीमान् वा श्रीमति तथा २१ बर्ष मुनिका छोराछोरीहरुका लागि आवेदन दिने सोंचमा हुनुहुन्छ भने एकसाथ आई १३० आवेदन र आई ४८५ फाइल गर्न सक्नुहुनेछ ।