भूमाफियाकाे आँखामा बूढानीलकण्ठ स्कुलको जग्गा, प्रधानमन्त्रीले किन शंका गरे ?
प्रकाशित मिति : जेष्ठ २५, २०७६ शनिबार
वैशाख २४ गते प्रधानमन्त्री केपी शर्मा ओलील संसदमा बूढानीलकण्ठ स्कुललाई ५७० रोपनी जग्गा र साढे पाँच करोड रुपैयाँ किन दिने भन्ने प्रश्न गरेपछि स्कुलको जग्गा र स्कुलमा पढिरहेका विद्यार्थीले सरकारबाट पाउँदै आएको छात्रवृत्तिमाथि प्रश्न उठेको छ।
प्रधानमन्त्री ओलीले बूढानीलकण्ठ स्कुलले छात्रवृत्तिका लागि गर्ने विद्यार्थी छनोट प्रक्रियामा समेत प्रश्न गर्दै स्कुललाई उपलब्ध गराएको रकम सदुपयोग भए नभएको शंका व्यक्त गरे। देशकै प्रतिष्ठित र गुणस्तरीय शिक्षा उपलब्ध गराए आफ्ना गरिमा राख्न सफल स्कुल निजी गुठीमा सञ्चालित छ।
स्कुलको जग्गा ५७० रोपनी छ भने करिब २०० रोपनी जग्गा प्रयोगविहीन अवस्थामा छ। त्यही जग्गामा केही व्यापारी राजनीतिक दलको आडमा व्यापारिक प्रयोजनका लागि प्रयोग गर्न मरिहत्ते गरिरहेको स्कुलका पूर्वप्रिन्सिपल केशर खुलालले बताए। उनका अनुसार यो प्रक्रिया दुई नै चलिरहेको छ। बूढानीलकण्ठको जग्गा जसरी पनि व्यापारिक प्रयोजनका लागि प्रयोग गर्नु उनीहरूको लक्ष्य रहेको उनले बताए। याे खबर आजकाे नागरिक दैनिकमा छ।