एउटै वडामा ६३ उद्योग
प्रकाशित मिति : जेष्ठ २४, २०७६ शुक्रबार
नेपालगञ्ज । बाँकेको जनकी गाउँपालिका ५ गनापुरमा ६३ उद्योग स्थापना भएका छन्। नेपालगञ्ज–कोहलपुर सडक खण्डसँगै जोडिएको गनापुरमा लहरै उद्योग स्थापना भएका छन्। ४४ वटा सञ्चालनमा र १९ वटा सञ्चालनको तयारीमा छन्।
नेपालगञ्ज औद्योगिक क्षेत्रमा ३० वटा मात्रै उद्योग सञ्चालनमा छन् भने गनापुरमा सिमेन्ट, आइरन, खाद्य, इँटा जडिबुटी, रोजिन र औषधिजस्ता आन्तरिक खपत र निर्यातमा महत्त्व राख्ने ठूला उद्योग स्थापना भएका हुन्। जानकी गाउँपालिका ६ का वडाध्यक्ष सुरेश अहिरले राजमार्गसँग जोडिएको र नेपालगञ्ज उपमहानगरपालिका नजिक भएकाले गनापुरमा उद्योग थपिने क्रम बढेको बताए।
यहाँ स्थापित ६३ मध्ये ६ उद्योग अहिले बन्द अवस्थामा छन्। पाँच भने खुल्ने तयारीमा छन्। उद्योगमैत्री नीति अपनाउँदै गनापुर क्षेत्रलाई औद्योगिक क्षेत्रको रूपमा विकास गरिने गाउँपालिकाका अध्यक्ष रामनिवास यादवले बताए। याे समाचार अाजकाे कान्तिपुर दैनिकमा छ ।