नेपाली टीपीएसवाहकले २०२० मार्च २४ सम्मको म्याद भएको वर्क परमिट कसरी लिने ?
प्रकाशित मिति : बैशाख २७, २०७६ शुक्रबार
नेपाली टीपीएसवाहकको वर्क परमिट जुन २४ पछि ९ महिनाका लागि स्वत लम्बिने भएकाले तपाईले पूरानै वर्कपरमिटबाट पनि काम गर्न सक्नुहुनेछ । कुनै शुल्क तिरेर आवेदन दिनुपर्दैन ।
तर तपाईलाइ सन् २०२० को मार्च २४ सम्मकै म्याद उल्लेख भएको वर्क परमिट बोक्न मन लागेमा तपाईले त्यसका लागि आवेदन दिन सक्नुहुनेछ । त्यसका लागि तपाईले उचित शुल्क तिरेर आई ७६५ फर्म भरेर वर्क परमिटका लागि आवेदन दिन सक्नुहुनेछ ।
यदि तपाईलाई नयाँ मितिसहितको वर्क परमिट अहिले नभएर पछिका लागि आवश्यक परेमा तपाईले पछि कुनै पनि बेला आवेदन दिनसक्नुहुनेछ । अहिलेको वर्क परमिटमा उल्लेखित मितिभन्दा अगाडि वा पछाडि जतिबेला पनि फाइल गर्न सकिने युएससीआईएसले जनाएको छ ।
नेपालको टीपीएस ९ महिनाका लागि स्वत लम्बियो, वर्क परमिट २०२० को मार्च २४ सम्म कायम
तपाईले आफ्नो टीपीएस आवेदन पेन्डिङ अवस्थामा रहेको वा स्वीकृत भइसकेको कागजातको प्रतिलिपी पनि आवेदनसँगै पठाउनु उपयुक्त हुनेछ । यदि तपाई आवेदन वा बायोमेट्रिक शुल्क तिर्न नसक्ने अवस्थामा हुनुहुन्छ भने शुल्क मिनाहाका लागि छुट्टै आवेदन दिनुपर्छ ।
यदि तपाईको टीपीएस वा वर्क परमिटको आवेदन पेन्डिङ अवस्थामा छ भने तपाईले नयाँ आवेदन दिन जरुरत पर्दैन । स्वीकृत भइसकेपछि तपाईले सन् २०२० को मार्च २४ सम्मको म्याद भएको टीपीएस वा वर्क परमिट प्राप्त गर्नुहुनेछ ।
फेडरल रजिस्टरमा प्रकाशित सुचनाबाट