अमेरिकाको अध्यागमन हिराशतमा बालबालिकामाथि यौन दुर्ब्यबहार
प्रकाशित मिति : फाल्गुन १४, २०७५ मंगलबार
अमेरिकाको अध्यागमन हिराशतमा अभिभावकविनाका कागजपत्रविहिन बालबालिकामाथि यौन दुब्र्यबहार हुने गरेको तथ्यांक सार्वजनिक भएको छ । आन्तरिक विभागले जारी गरेको तथ्यांक अनुशार सन् २०१४ देखि १८ सम्म डिपार्टमेन्ट अफ हेल्थ एण्ड ह्युमन सर्भिसले यौन दुब्र्यबहारका ४५ सय आवेदनहरु प्राप्त गरेको छ ।
सोही अवधिमा १३०३ वटा यौन दुब्र्यबहारका आवेदनहरु डिपार्टमेन्ट अफ जस्टिसमा फाइल गरिएको थियो । मेक्सिकोको सिमाक्षेत्रहुँदै अमेरिका प्रवेश गरेका अभिभावकविहिन बालबालिकाहरु यौन दुब्र्यबहारको शिकार भएका हुन् । डिपार्टमेन्ट अफ हेल्थ एण्ड ह्युमन सर्भिसकै कर्मचारीबाट कम्तीमा एकहप्तामा एकजना बालबालिकामाथि यौन दुब्र्यबहार हुने गरेको जनाइएको छ ।
कर्मचारीहरुले बालबालिकासँग सम्बन्ध राखेको, अश्लिल भिडियोहरु देखाएको, यौन दृश्टिकोणबाट छोएको लगाएका आरोपहरु उजुरीमा लगाइएको छ । यौन दुब्र्यबहार गर्नेमा १७८ जना कर्मचारीहरु, ८५१ जना सँगै बस्ने अन्य बालबालिकाहरु, १९ जना कर्मचारीबाहेकका अन्य युवायुवतीहरु र २५४ जना अज्ञात रहेको एक्सोइसको रिपोर्टमा जनाइएको छ ।