नेदरल्याण्डसमा झल्कियो नेपाल, बेल्जियमबाट नेपाल जाने पर्यटकमा ३२ प्रतिशत बृद्धि


प्रकाशित मिति : पुस २५, २०७५ बुधबार

नेदरल्याण्डसमा आयोजित पर्यटन मेलामा नेपालका तर्फबाट पनि सहभागिता जनाइएको छ । नेपाल पर्यटन बोर्डका तर्फबाट सहभागिता जनाइएको उक्त मेलामा नेपाल चिनाउने सामाग्रीहरु राखिएको थियो ।

मेलाको उद्घाटन समारोहमा नेदरल्याण्डस्, बेल्जियम र लक्जेम्बर्गका लागि ब्रसेल्समा रहेको नेपाली दूतावासमा कार्यरत राजदूत लोकबहादुर थापाको पनि सहभागिता रहेको थियो । ब्रसेल्स दूतावासको पहलमा आगामी महिना बेल्जियममा तीनवटा नेपाल चिनाउने कार्यक्रमहरुमा सहभागिता जनाइदैछ ।

युरोपियन युनियनका लागि समेत नेपालका प्रतिनिधि राजदूत लोकबहादुर थापाको सकृयतामा बेल्जियममा नेपालको पर्यटन प्रर्वद्धनका क्षेत्रमा समेत विभिन्न कार्यक्रमहरु हुँदै आएका छन् । परिणामस्वरुप बेल्जियमबाट नेपाल भित्रिने पर्यटक संख्यामा यो बर्ष झण्डै ३२ प्रतिशतले बृद्धि भएको छ ।

समुदायको समेत परिचालन गरेर दूतावासले नेपालको पर्यटन र संस्कृतिको प्रबद्र्धनका क्षेत्रमा उल्लेख्य काम गर्दै आएको छ ।

नेदरल्याण्डमा आयोजित मेलाका केही तस्वीर 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com