अमेरिकाको नेपाली रेष्टुरेण्टको भित्तामा नेपाल, नेपाली कला, संस्कृति र पर्यटनको प्रचार - KHASOKHAS

अमेरिकाको नेपाली रेष्टुरेण्टको भित्तामा नेपाल, नेपाली कला, संस्कृति र पर्यटनको प्रचार

विदेशमा नेपाललाई चिनाउन नेपालीहरुले विभिन्न तरिकाहरु अपनाउने गरेका छन् । स्टारबक्समा कफी अर्डर गर्दा नाम नेपाल बताएर, गाडीको नम्बरप्लेट नेपाल राखेर वा ट्याक्सी चलाउँदा नेपालको बारेमा बताएर वा फ्लायर दिएर नेपालको बारेमा चिनाउँदै आएका छन् नेपालीहरुले ।

अमेरिकामा रहेका केही नेपाली रेष्टुरेण्टहरुले मेनुमा नेपालको बारेमा उल्लेख गरेर, स्क्रीनमा नेपालको बारेमा भिडियो देखाएर वा भित्तामा नेपालका कला, संस्कृति र पर्यटन झल्कने तस्वीरहरु राखेर नेपाल चिनाउने काम गर्दै आएका छन् ।

मेरिल्याण्डको सिल्भर स्प्रींगमा रहेको घर ए कबाब रेष्टुरेण्टमा नेपालको कला, संस्कृति र पर्यटन प्रवद्र्धनका लागि यस्तै तरिका अपनाइएको छ । व्यवसायी लोक तिवारीको उक्त रेष्टुरेण्टमा छिर्नासाथ भित्ताभरी नेपालको कला, संस्कृति र पर्यटन झल्किने तस्वीहरु देख्न सकिन्छ । जसले गैर नेपालीहरुमाझ नेपाल चिनाउन मद्दतमात्र गरेको छैन, रेष्टुरेण्टको आकर्षण समेत बढाएको छ ।

नेपालीभन्दा धेरै गैर नेपाली ग्राहकहरु आउने उक्त रेष्टुरेण्टमा ग्राहकहरुले ती तस्वीरहरु हेरेर नेपालबारे जिज्ञासा समेत राख्ने गर्छन् । कतिले त ती तस्वीरहरु हेरेर नेपाल भ्रमणको योजना समेत बनाउँछन् ।

नेपालको मौलिकता र परम्परा झल्किनेमात्र नभई नेपालका विभिन्न पर्यटकीय स्थलहरुका समेत तस्वीरहरु त्यहाँ राखिएका छन् । ओखल, ढिकी जाँतो, माटोका भाँडा बनाउदै गरेका ती तस्वीरहरु हेर्दा कुनै संग्राहालयमा पुगेको आभास हुन्छ । तपाई पनि विदेशमा नेपालको कला, संस्कृति र पर्यटन प्रवद्र्धनका लागि यस्तै तरिका अपनाउने हो कि ?

थप तस्वीरहरु यहाँ हेर्न सक्नुहुनेछ ।

आइतवार, पुस ८, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com