घरेलु र गिरोह हिंशा पीडितलाई एसाइलम नदिने निर्णय अदालतले उल्टायो, देशनिकाला भएकालाई फिर्ता गर्न आदेश
प्रकाशित मिति : पुस ६, २०७५ शुक्रबार
गिरोह र घरेलु हिंशाका पीडितलाई अमेरिकामा एसाइलम नदिने ट्रम्प प्रशासनको निर्णयलाई अमेरिकी संघीय न्यायाधिसले कार्यान्वयनमा रोक लगाएको छ । वासिंटनका संघीय न्यायाधिस इमेट सुलिभानले घरेलु हिंशा र गिरोह हिंशाका पीडितलाई अमेरिकामा एसाइलम गर्न नदिइनु संघीय कानुन विपरित रहेको ठहर गर्दै निर्णय कार्यान्वयनमा रोक लगाएका हुन् ।
गत जुनमा तत्कालिन महान्यायाधिवक्ता जेफ सेसनले नयाँ नियमको घोषणा गर्दै गिरोह र घरेलु हिंशाका पीडितको एसाइलम आवेदन अस्वीकृत गर्दै त्यस्ता आवेदकलाई तीब्र गतिको देशनिकालाको प्रकृयामा राख्ने नियमको घोषणा गरेका थिए । त्यसपछि कैयन कानुन व्यवसायीहरुले उक्त नियमका कारण देशनिकालाको सामना गरेका कैयन आप्रवासीका तर्फबाट अदालतमा मुद्दा दायर गरेका थिए ।
अब अमेरिकामा गैरकानुनी रुपमा छिरेर एसाइलम गर्नेलाई मेक्सिको पठाइने (एक्सक्लुसिभ)
बुधबार न्यायाधिस सुलिभानले गिरोह र घरेलु हिंशाका पीडितलाई एसाइलम नदिने नियमको बिरुद्धमा स्थायी आदेश जारी गरेका हुन् । न्यायाधिसले उक्त नियमका कारण अमेरिकाबाट विगतमा देशनिकाला गरिएकाहरुलाई पनि अमेरिका फिर्ता ल्याउन आदेश दिएका छन् । उक्त नियम अनुशार देशनिकाला गरिएकाहरुलाई सुचित गर्न र फिर्ता बोलाउनका लागि न्यायाधिसले सरकारले निश्चित तालिका समेत दिएका छन् ।
तर अदालतको उक्त फैसलाकै भोलिपल्ट अमेरिकी सरकारले भने एसाइलमको बिरुद्धमा अर्को ठूलो निर्णय गरेको छ । जस अन्तरगत अब मेक्सिकोबाट गैरकानुनी सिमा पार गरेर अमेरिका छिर्नेलाई अदालती सुनुवाईसम्मका लागि मेक्सिको नै फिर्ता पठाइने भएको छ ।
अमेरिकामा ‘क्याच एण्ड रिलिज’ नीतिको अन्त्य, अब ‘क्याच एण्ड रिटर्न’, नेपाली प्रभावित