देशैभर मौसम बदली, उच्च पहाडी भेग र हिमाली भेगमा हिउँ पर्ने सम्भावना
प्रकाशित मिति : मंसिर १९, २०७५ बुधबार
उपत्यकासहित देशभरको मौसम बद्ली भएको छ । पश्चिमी वायुको प्रभावका कारण मौसम बद्ली भएको मौसमविद्ले बताएका छन् ।
मौसमविद् विभूति पोख्रेलका अनुसार बुधबार दिनभर मौसम खुल्ने सम्भावना छैन । यस्तै आज राति पूर्वका केही ठाउँ, पश्चिमका केही ठाउँ, उच्च पहाडी भेग र हिमाली भेगमा हल्का हिउँ पर्ने सम्भावना रहेको पनि मौसमविद् पोख्रेलले बताउनुभयो ।
अबको एक दुई दिनको मौसम यस्तै हुने पनि उहाँले बताउनुभयो । काठमाडौं उपत्यकाको बुधबार बिहानको न्युनतम तापक्रम ६ डिग्री सेल्सियस रहेको मौसम पूर्वानुमान महाशाखाले जनाएको छ ।