अनमी सीता शर्मा इन्टिग्रिटी आइडलको उत्कृष्ट पाँचभित्र पर्न सफल

नेपाल डेस्क

---

प्रकाशित मिति : मंसिर ७, २०७५ शुक्रबार

वीरेन्द्रनगर नगरपालिका कार्यालयमा कार्यरत सिनियर अनमी सीता कुमारी शर्मा इन्टिग्रिटी आइडलमा उत्कृष्ट पाँचमा पर्न सफल भएकी छिन्।

महिला स्वास्थ्य सुधारकी अभियन्ता उनी सुर्खेतमा रहेका दलित, उत्पिडित, मुस्लिम बस्ती, विद्यालय तथा अन्य क्षेत्रमा गएर निशुल्क रूपमा आफ्नै खर्चमा स्वास्थ्य सेवा उपलब्ध गराउँदै आएकी छिन्।
उनले भनिन्, ‘मलार्इ आम मानिसहरूको स्वास्थ्यमा सुधार गर्दै अघि बढ्ने ठुलो इच्छा छ। जहाँ सचेतना छैन त्यस ठाउँमा सचेतना र सहयोग गर्नुपर्छ।’

उनले वीरेन्द्रनगर सुर्खेतका सवै हरेक क्षेत्र, विद्यालय, दलित, वाढीपिडीत, अनाथालय र बृद्दाश्रम बस्तिहरूमा बिदाको दिनमा नि:शुल्क स्वास्थ्य सेवा र स्वास्थ्य सम्बन्धी शिक्षा एवं सचेतना जगाउने कार्य गर्दै आएकी छन् । उनले विभिन्न विकट स्थानहरूमा समेत बसी स्वास्थ्य सेवाको क्षेत्रमा काम गरेबापत स्वास्थ्य तथा जनसंख्या मन्त्रालयबाट उत्कृष्ट स्वास्थ्यकर्मी पुरस्कार र विभिन्न स्वास्थ्य तथा सामाजिक संघसंस्थाहरूबाट समेत सम्मान/पुरस्कार पाएकी छन्।

शर्माले आफूलाइ इन्टिग्रिटी आइडलमा जिताउन भोटिङका लागि अनुरोध गरेकी छन्।

भोट गर्ने तरिका
मोबाइलको मेसेजबक्समा गइ IIN5 टाइप गरी 34001 मा पठाउने ।
वेवबाट भोट गर्न www.integrityidol.org मा लग अन गरी SitaKumari Sharma को तलपट्टी लेखेको Vote मा क्लिक गर्ने ।