२४ घण्टादेखि बेपत्ता बालकको शव भेटियो
प्रकाशित मिति : कार्तिक २, २०७५ शुक्रबार
२४ घण्टादेखि बेपत्ता नुवाकोटका एक बालकको शव सशस्त्र प्रहरीको एक विशेष टोलीले भेट्टाएको छ ।
पृथ्वी माविको कक्षा १० मा अध्ययनरत सुवास भण्डारीको शव सशस्त्र प्रहरीका गोताखोरले बिहीबार भेट्टाएका हुन् । भण्डारी विदुर नगरपालिका २ बजार क्षेत्रका हुन् ।
बुधबार त्रिशूली नदीमा पौडी खेल्ने क्रममा उनी बेपत्ता भएका थिए । बालक बेपत्ता भएको क्षेत्र विदुर नगरपालिका ४ मा पर्छ।