अमेरिकामा २२ बर्षीय नेपाली विद्यार्थीको मृत्यु, शव नेपाल पठाउन सहयोग संकलन


प्रकाशित मिति : भाद्र १४, २०७५ बिहीबार

अमेरिकाको टेक्सास डालस निवासी २२ बर्षीय नेपाली विद्यार्थी सुरज गमलको मृत्यु भएको छ । टेक्सासको नर्थ लेक कलेजमा अध्ययनरत सुरजको मृत्यु भएपछि शव नेपाल पठाउनका लागि नेपलिज सोसाइटी टेक्ससले गोफण्डमीमा सहयोग संकलन अभियान संचालन गरिरहेको छ ।

सुरज केहीदिन अगाडि अस्पतालमा अत्यन्तै गम्भीर अवस्थामा उपचार गराइरहेको खबर आएको थियो । त्यस लगत्तै उनका बाबुआमाले छोरालाई भेट्नका लागि काठमाडौंमा रहेको अमेरिकी दूतावासमा भिसा आवेदन दिएपनि आवेदन प्रकृया नसकिदै सुरजको मृत्यु भएको हो ।

नेपालको तनहु निवासी बमबहादुर गमल र माया गमलका छोरा सुरजको मृत्यु भएपछि बुबाआमा अमेरिका आउनुको साटो शव नै नेपाल पठाउन उपयुक्त ठानी शव पठाउन सहयोग संकलन भइरहेको छ । बुबाआमाको अनुरोध अनुशार नै शव नेपाल पठाउन लागिएको नेपाली समाज टेक्सासले जनाएको छ ।

यदि तपाई पनि सुरजको शव नेपाल पठाउनका लागि आर्थिक सहयोग गर्न चाहनुहुन्छ भने गोफण्डमीमा गएर सहयोग गर्न सक्नुहुनेछ ।

फोटो साभार : फेसबुक

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com