प्रधानमन्त्रीको भ्रमणले छिमेकीसँगको सम्बन्ध घनिष्ट : नेपाल
प्रकाशित मिति : असार ११, २०७५ सोमबार
![](https://i0.wp.com/www.khasokhas.com/wp-content/uploads/2018/06/madhab-kumae-nepal-bharatpur-airport-1-2462018032520-1000x0.jpg?fit=1000%2C629&ssl=1)
पूर्वप्रधानमन्त्री तथा नेपाल कम्युनिष्ट पार्टी (नेकपा) का वरिष्ठ नेता माधकुमार नेपालले प्रधानमन्त्री केपी ओलीको भारत र चीनको भ्रमणले छिमेकीसँगको सम्बन्ध घनिष्ट बनेको दाबी गरेका छन् ।
आइतबार भरतपुर विमानस्थलमा पत्रकारहरुसँग कुरा गर्दै नेता नेपालले भने, ‘सम्बन्धका साथै दुवै छिमेकीलाई नेपालको विकास प्रक्रियामा सहयात्री बनाएर अगाडि बढाउने प्रतिबद्धता भ्रमणका क्रममा भएको छ ।’
नयाँ सरकार गठन र पार्टी एकीकरणले जनतामा उत्साह थपेको उनले बताए । ‘अब हामी पार्टीको केन्द्रीय संरचनाजस्तै प्रदेश र जिल्ला तहका सांगठानिक संरचनाहरु पनि एक दुई हप्ताभित्रै टुङ्ग्याउने छौं’ नेता नेपालले भने ‘त्यसपछि जनताका काममा मात्रै केन्द्रित भएर लाग्ने दिन आउने छ । आउँदा दिन झनै सुखद् हुनेछन् ।’
पार्टीको क्रान्तिकारी चरित्रलाई जोगाउने मात्रै नभएर झनै धारिलो बनाएर जाने उनले बताए ।