Follow @khasokhasmag

जब एसबीआई बैंकको एटीएमभित्रको १२ लाख मुसाले काट्यो


प्रकाशित मिति : असार ६, २०७५ बुधबार

भारतको असममा स्टेट बैंक अफ इन्डिया (एसबीआई) को एटीएममा मुसाले १२ लाख भारतीय नोट काटेको छ ।

घटना जून ११ को  बताइएको छ । यसको फोटो कसैले सोसल मिडियामा हालेपछि भाइरल भएको थियो ।

जानकारीका अनुसार तिकसुकियाको एसबीआई एटीएम मेसिनले काम नगरेको जानकारी पाएपछि कर्मचारी मेशिन बनाउन पुगे । जब मेसिन खोलियो तब कर्मचारी अचम्ममा परे ।

मेसिन खोल्दा मुसाले काटेका पाँचसय र दुई हजारका भारतीय नोट भेटिएको बताइएको छ ।  यसबारे एक बैंक अधिकारीले तिनसुकियाको लैपुली इलाकाको एटीएम मे २० तारिखदेखि प्राविधिक गडबडीका कारण बन्द भएको जानकारी दिए ।

स्रोतका अनुसार समस्याबारे जानकारी पाएपछि जून ११ मा एटीएमको रेखदेख गर्ने कम्पनी ग्लोबल बिजनेस सोलुशन (जीबीएस) का कर्मचारी मेसिन बनाउन जाँदा घटना सार्वजनिक भएको हो ।

बैंक अधिकारीले घटनाको पुष्टि गर्दै १२ लाख ३८ हजारका नोटलाई मुसाले काटेको बताए । जीबीएसले १९ मे मा २० लाख भारु मेसिनमा हालेको भोलिपल्टदेखि नै एटीएमले काम गर्न बन्द गरेको बताइएको छ ।

घटनाको छानबिनका लागि तिनसुकियाको पुलिस थानामा एफआइआर दर्ता गरिएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com