Follow @khasokhasmag

ममताका श्रीमान पक्राउ


प्रकाशित मिति : असार ४, २०७५ सोमबार

महिला खबर–

छोरा नपाएको निहुँमा सुत्केरी श्रीमतीलाई कुटपिट गर्दै घर निकाला गर्ने सिराहाका प्रकाश मरिक पक्राउ परेका छन् । सिराहाको गोलबजारस्थित मुसानियाका प्रकाशले १३ वर्षीया श्रीमती ममता मरिकलाई छोरी जन्माएको भन्दै कुटपिट गरी घर निकाला गरेका थिए ।

अधिवक्ता शशी बस्नेत, विष्णु पौडेल लगायत सात जनाले ममताका श्रीमान प्रकाश मरिक र प्रकाश मरिकबाट रकम लिएर ममताको विवाह गरिदिने उदयपुरको आम्बासीकी ममताकी फुपू ललिता मरिक विरुद्ध बाल विवाह, बहुविवाह, जबरजस्ती करणी तथा मानव बेचबिखन तथा ओसारपसारको आरोपमा जिल्ला प्रहरी कार्यालयमा जाहेरी दिएका थिए ।

इलाका प्रहरी कार्यालयले जाहेरीको आधारमा शनिबार राती नै ममताका श्रीमान प्रकाश मरिकलाई पक्राउ गरिएको जानकारी दिएको छ ।पक्राउ परेका प्रकाशलाई जिल्ला अदालतबाट म्याद थप गरी अनुसन्धान भइरहेको इलाका प्रहरी कार्यालय गोलबजारका सई रामकृष्ण चौधरीले महिला खबरलाई जानकारी दिए । उनले भने, ‘प्रकाश मरिकको आइतबार जिल्ला अदालतमा मुद्दा दर्ता गरेर म्याद थप गरिएको छ ।’

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com