Follow @khasokhasmag

राष्ट्रिय सभा अध्यक्षलाई ६ र उपाध्यक्षलाई ४ वर्षको चिठ्ठा


प्रकाशित मिति : असार ४, २०७५ सोमबार

राष्ट्रिय सभाका सदस्यको पदावधिका लागि अहिले संसद भवन नयाँ बानेश्वरमा गोलाप्रथा चलिरहेको छ। प्रदेशगत रूपमा विजयी भएका ५६ र राष्ट्रपतिबाट मनोनित ३ जना सदस्यको पदावधिका लागि गोलाप्रथा भएको हो।

गोलाबाट राष्ट्रिय सभा अध्यक्ष गणेशप्रसाद तिमिल्सेनाको पदावधि छ वर्ष भएको छ भने उपाध्यक्ष शशिकला दाहाललाई पनि ४ वर्षको चिठ्ठा परेको छ।

त्यस्तै गायिकासमेत रहेकी राष्ट्रिय सभा सदस्य कोमल वली ४ वर्ष राष्ट्रिय सभा सदस्य हुने भएकी छन्।

वलीले तानेको गोलामा कार्यकाल ४ वर्षको लेखिएको छ।

संविधान अनुसार राष्ट्रिय सभाका एक तिहाई सदस्यको संख्या २ वर्ष, अर्को एक तिहाईको ४ वर्ष र बाँकीको ६ वर्ष पदावधि हुनेछ। उनीहरूको पदावधी गोलाप्रथाबाट टुङ्गो लगाउने व्यवस्था संविधानमा गरिएको छ।

राष्ट्रियसभाको नियमावली मस्यौदा समितिले प्रत्येक प्रदेशका लागि छुट्टाछुट्टै गोलाप्रथा गर्ने सहमति जुटाएको हो।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com