Follow @khasokhasmag

होटल अन्नपूर्णको क्यासिनो अन्नाका मजदुर र कर्मचारी आन्दोलित


प्रकाशित मिति : असार ३, २०७५ आईतबार

क्यासिनो अन्नाका मजदुर र कर्मचारी कार्य थमौती र सेवा सुविधा माग गर्दै आन्दोलनमा उत्रिएका छन् । होटल अन्नपूर्णले फरक नाममा क्यासिनो संञ्चालन गरेर पुराना मजदुरलाई हटाउने र सेवा सुविधा रोकिएपछि उनीहरु आन्दोलित भएका हुन् ।

मजदुर तथा कर्मचारीहरुले सेवा सुविधा तत्काल उपलब्ध गराउन दबाब दिएका छन् । होटल अन्नपूर्णले चार वर्षअघि बन्द भएको क्यासिनोलाई नाम परिवर्तन गरी क्यासिनो प्यालेस संचालन गरेको छ ।

होटेलले क्यासिनोको नाम परिवर्तनसँगै कामदार समेत परिवर्तन गरेको छ । क्यासिनोमा पुराना मजदुर हटाएर नयाँ भर्ना गरिएको छ । क्यासिनोले हटाएपछि त्यस विरुद्ध मजदुरहरुले सर्वोच्च अदालत रिट दायर गरेका थिए ।

सर्वोच्चले जेठ १४ गते नयाँ नाममा क्यासिनो खुले पनि पुरानो अन्न्ना क्यासिनोमा कार्यरत इच्छुक कर्मचारीलाई काममा फर्काउनु र काम गर्न नचाहने कर्मचारीलाई नियमसंगत सेवा सुविधा दिन अन्तरिम आदेश दिएको थियो । क्यासिनो संचालनले अदालतको आदेश पालना नगरेपछि मजदुर तथा कर्मचारीहरु झन् अाक्रोशित बनेका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com