Follow @khasokhasmag

राष्ट्रपति ट्रम्पविरुद्ध मुद्दा दायर, ट्रम्प भन्छन्- ‘न्यूयोर्कका फोहोरी डिमोक्र्याटकाे षड्यन्त्र’


प्रकाशित मिति : असार १, २०७५ शुक्रबार

अमेरिकाको न्यूयोर्क राज्यले राष्ट्रपति ट्रम्पसमेतलार्इ विपक्षी बनाउँदै अदालतमा मुद्दा दायर गरेकाे छ । ट्रम्प फाउन्डेसनद्वारा संचालित एउटा परोपकारी संस्थाविरूद्ध न्यूयाेर्कले मुद्दा हालेको हाे ।

एक दशकभन्दा बढी समयदेखि कानुन मिचेको भन्दै रााष्ट्रपति ट्रम्पकको संस्थालाई मुद्दा लगाइएकाे समाचार एजेन्सीहरूले जनाएका छन् । अदालतले यस विषयमा कारबाहीको प्रक्रिया अघि बढाएको समेत जनाइएको छ ।

न्यूयोर्ककी महान्यायाधिवक्ता बार्बरा अन्डरवुडले ट्रम्प फाउन्डेशनले डोनल्ड ट्रम्पको तर्फबाट लगभग चेकबुकको जस्तै काम गरेर विभिन्न व्यवसाय र गैरसरकारी संस्थाहरूलाई कानुनको बेवास्ता गर्दै जथाभावी रकम तिरेको आरोप लगाएकी छन् । उनले तयार पारेको अभियोगपत्रमा विगत एक दशकदेखि ट्रम्प फाउन्डेसनले त्यस्तै शैलीमा काम गरेको उल्लेख गरिएको छ ।

तर ट्रम्प फाउन्डेशनले चाहिँ एक विज्ञप्ति जारी गर्दै ती आरोपहरू अस्वीकार गरेको छ । राष्ट्रपति ट्रम्पले उनकै शब्दमा ‘न्यूयोर्कका फोहोरी डिमोक्र्याट’हरूले त्यो मुद्दा अघि सारेर अाफूमाथि षड्यन्त्र दाेहाेर्याएकाे अाराेप लगाएका छन् ।

ट्रम्प फाउन्डेसनसँग सम्बन्धित अनियमितताका आरोप सन् २०१६ को राष्ट्रपति चुनावमा पनि बाहिर आएका थिए तर त्यसलाई राष्ट्रपति ट्रम्पको सुरूवाती कार्यकालले छायाँमा पारिदिएको थियो ।

राष्ट्रपति ट्रम्पदेखि उनी मताहतका सरकारी अधिकारीहरूले पछिल्लाे मुद्दालाई पनि अर्को राजनीतिक रुपमा पूर्वाग्रही अनुसन्धान भनेर टिप्पणी गर्न थालेकाे बताइन्छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com