राजपा सरकारमा जान तयार छ : महासचिव झा
प्रकाशित मिति : जेष्ठ २८, २०७५ सोमबार
राष्ट्रिय जनता पार्टी नेपालका महासचिव केशव झाले राजपा बढिमा एक साताभित्रै सरकारमा सहभागी हुने स्पष्ट पार्नु भएको छ ।
रिपोर्टर्स क्लब नेपालले आयोजना गरेको साक्षात्कारमा उहाँले सरकारले संविधान संशोधनमा प्रतिबद्धता जनाईसकेकोले अब आफ्ना पार्टीका सांसद रेशमलाल चौधरीको सपथग्रहणको वातावरण बन्ने वित्तिकै राजपा सरकारमा सहभागी हुने जानकारी गराउनु भयो ।
यसबारेमा औपचारिक तथा अनौपचारिक रुपमा छलफल भैरहेको उहाँको भनाई छ । नेता झाले आउने बिहीबार वा शुक्रबार नै राजपा सांसद चौधरीको सपथग्रहण भए त्यसको एक÷दुई दिनभित्रै पार्टी सरकारमा जाने स्पष्ट पार्नु भयो ।
२ नम्बर प्रदेशको सरकार आफूहरुको कारणले नढल्ने उहाँको भनाइ छ । फरक प्रसँगमा उहाँले पार्टीका अध्यक्ष मण्डलका संयोजक महन्थ ठाकुरलाई प्रतिनिधि सभाको सभामुखको अफर गरे जिम्मेवारी वहन गर्न तयार बताउनु भयो ।