राष्ट्रियसभा नियमावली आइतबार सर्वसम्मत अनुमोदन हुने
प्रकाशित मिति : जेष्ठ २६, २०७५ शनिबार
राष्ट्रियसभाका अध्यक्ष गणेश तिमिल्सिनाले राष्ट्रियसभा नियमावली २०७४ भोली सर्वसम्मत अनुमोदन हुने बताउनुभएको छ ।
चितवनमा आज पत्रकारसँग कुराकानी गर्दै उहाँले सबै दलको सहमतिमा शुक्रबार प्रतिनिधिसभाबाट प्रतिनिधिसभा नियमावली २०७४ अनुमोदन भएको भन्दै भोली राष्ट्रियसभाले पनि आफ्नो नियमावली अनुमोदन गर्ने बताउनुभयो ।
उनले फौजदारी अभियोग लागेका सांसदको संसद्मा मतदान हुँदा सांसदको संख्या गणना हुने तर मतदान गर्न नपाउने बताउनुभयो ।
राष्ट्रियसभा नियमावली २०७४ भोली राष्ट्रियसभामा पेश हुँदैछ भने भोली नै प्रतिनिधिसभा र राष्ट्रियसभा सञ्चालनसम्बन्धी संयुक्त नियमावली पनि पेश हुँदैछ ।