गर्भवतीलाई अस्पताल पुर्याउन दुई लाख खर्च
प्रकाशित मिति : जेष्ठ २२, २०७५ मंगलबार
अधिक रक्तश्राव भएकी खोटाङकी एक गर्भवती महिलालाई अस्पताल पुर्याउन दुई लाख रुपैयाँ खर्च भएको छ ।
बच्चा जन्मनुअघि अधिक रक्तश्राव भएपछि दिक्तेल रुपाकोट मझुवागढी नगरपालिका–१४, बुइपा खिरीकी ३० वर्षीय गर्भवती महिला कुमारी भट्टराई धिमाललाई दुई लाख रुपैयाँमा हेलिकप्टर चार्टर गरेर काठमाडौं पठाइएको हो ।
बच्चा जन्मने मिति आउन अगावै अधिक रक्तश्राव भएपछि अस्पतालमा भर्ना भएकी कुमारीलाई जिल्ला अस्पतालले रेफर गरेपछि मंगलबार साँझ श्रीएयरलाइन्सको हेलिकप्टरबाट काठमाडौ पठाइएको हो । अस्पतालले गर्भवती महिलाको आउँदो असार १८ गते बच्चा जन्मने मिति तोकेको थियो ।