बिमस्टेकका महासचिव सहिदुल र प्रम अाेलीबीच भेट, अागामी सम्मेलन नेपालमा हुने
प्रकाशित मिति : जेष्ठ १७, २०७५ बिहीबार
बुहपक्षीय प्राविधिक तथा आर्थिक सहयोगका लागि बंगालको खाडीकाे प्रयास (बिमस्टेक)का महासचिव सहिदुल इस्लामले प्रधानमन्त्री केपी अाेलीसँग शिष्टाचार भेट गरेका छन् ।
अाज (बिहीबार) बालुवाटार पुगेका महासचिव सहिदुलसँग प्रधानमन्त्री ओलीले क्षेत्रीय राष्ट्रहरूका लागि अल्पकालीन, मध्यकालीन र दीर्घकालीन योजना बनाएर अघि बढ्नुपर्ने बताए ।
भेटमा प्रम अाेलीले भन्दै विमस्टेकको सम्मेलन छिट्टै नेपालमा नै गर्ने प्रतिबद्धता जनाए । उनले क्षेत्रीय स्तरका संगठनहरुलाई विकास र समृद्धिको माध्यमका रूपमा उपयाेग गरिनुपर्ने सुझाव दिए । विमस्टेकका विगतका कामबाट पाठ सिकेर आगामी दिनमा यसलाई थप प्रभावकारी बनाउनुपर्नेमा उनले जाेड दिए ।
प्रधानमन्त्री ओलीले बंगालको खाडी वरिपरिका मुलुक भएकोले पानी जहाजका सञ्चालन गर्नुपर्नेमा समेत जाेड दिए । जल तथा रेल यातायात जस्ता माध्यमकाे थप विकास भएमा विमस्टेकका सदस्य राष्ट्रहरु एकआपसमा जोडिन मद्दत पुग्ने अाेलीकाे विश्वास छ ।