बहुप्रतिक्षित ट्रम्प र किम जोङबीचको भेट अर्को महिना सिंगापुरमा हुने
प्रकाशित मिति : बैशाख २७, २०७५ बिहीबार
बहुप्रतिक्षित अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीचको भेट अागामी जुनमा हुने भएको छ।
ट्रम्पले बिहीबार साझ अाफ्नो अफिसियल ट्विटर ह्यान्डलबाट सो भेटको जानकारी दिएका हुन्। उनले जुन १२ तारिखमा दुवै नेताबीच भेट तय भएको उल्लेख गरेका छन्।
बहुप्रतिक्षित भेटलार्इ अाफूहरु दुवैले विश्व शान्तिका लागि विशेष बनाउने ट्रम्पले उल्लेख गरेका छन्।
सम्बन्धित समाचार: फेरि सुटुक्क चीन पुगे किम जोङ उन, दालियान सहरमा सी-किम शिखरवार्ता
यसै हप्ता उत्तर कोरियाली सर्वोच्च नेता किम जोङले चीनका राष्ट्रपति सी जिनपिङलाई भेटेका थिए। मे ७ र ८ तारिखमा सी–किम शिखरवार्ता भएको सिन्ह्वाले जनाएको थियो। सीलार्इ भेटेको समाचार अाए लगत्तै ट्रम्पले ट्विटर मार्फत जोङसँगको भेटको खुलासा गरेका हुन्।