हावाहुरीले तुलसीपुर एफएमको टावर भाँचियो
प्रकाशित मिति : बैशाख १७, २०७५ सोमबार
आइतबार आएको असिनापानीसहितको हावाहुरीले दाङमा रहेको तुलसीपुर एफ एममा ठूलो क्षति पुर्याएको छ ।
हावाहुरीले एफएममा करिब १२ लाख रुपैयाँ मूल्य बराबर क्षति गरेको हो । घटनामा नौ लाख बराबरको सोलार प्यानल पूर्ण रुपमा क्षति हुनुका ३ लाख बराबरका अन्य सामग्रीहरु बिग्रिएको तुलसीपुर एफएमले जनाएको छ ।
घटनामा रेडियोको टावर बाँगिएको र हावाले टावरको पिलरसमेत उप्काएका कारण एफएमको प्रसारण बन्द भएको छ । टावरको एन्टेनालगायतका सामग्रीहरुमा क्षति पुगेकोले रेडियो पूर्ण रुपमा बन्द भएको हो ।
टावर मर्मत हुनेबित्तिकै रेडियो प्रसारण पुनः सञ्चालन गरिने रेडियो व्यवस्थापनले जनाएको छ । टावर मर्मतका लागि प्राविधिक टोली काठमाडौंबाट दाङतर्फ प्रस्थान गरिसकेको छ ।