जीप दुर्घटना हुँदा, बाजुरामा २ जनाको मृत्यु
प्रकाशित मिति : फाल्गुन ८, २०७४ मंगलबार
फागुन ८, बाजुरा । बाजुराको बडिमालिका नगरपालिका ८ मा हिजो बेलुकी पौने ८ बजे से १ ज ९४० नम्बरको जीप दुर्घटना हुँदा २ जनाको मृत्यु भएको छ भने ६ जना घाइते भएका छन् ।
दुर्घटनामा हुम्लाको ओदानचुली गाउँपालिका ३ का ४० वर्षीय बल बहादुर बुढा र मुगुको खतिवडा गाउँपालिका ८ का ४५ वर्षीय कालीबहादुर राउतको मृत्यु भएको हो ।
बुढाको घटनास्थल मै र राउतको उपचारको क्रममा मृत्यु भएको बाजुरा प्रहरीले जनाएको छ ।
दुर्घटनामा घाइते भएका ६ जनाको जिल्ला अस्पताल बाजुरामै उपचार भइरहेको छ ।