झापामा सडक दुर्घटनामा एक महिलाको मृत्यु, श्रीमान् र छोरा गम्भीर घाइते
प्रकाशित मिति : पुस ९, २०७४ आईतबार
पुस ९, भद्रपुर ९झापा०स् पूर्व–पश्चिम राजमार्गअन्तर्गत झापाको धुलाबारीमा यात्रुवाहक बसले मोटरसाइकललाई ठक्कर दिँदा एक महिलाको मृत्यु भएको छ। उनका श्रीमान् र छोरा घाइते भएका छन्। मेचीनगर– ६ की ४२ वर्षकी ऋतु प्रधानको मृत्यु भएको इलाका प्रहरी कार्यालय काँकडभिट्टाले जनाएको छ। काँकडभिट्टाबाट धरानतर्फ जाँदै गरेको को १ ख २२०३ नम्बरको यात्रुवाहक बसले मे६प ६५८ नम्बरको मोटरसाइकललाई ठक्कर दिएको थियो। धुलाबारी चोकबाट सडक काट्ने क्रममा बसले ठक्कर दिँदा मोटरसाइकलमा सवार ऋतुसहित उनका श्रीमान् नवराज र छोरा निशान गम्भीर घाइते भएका थिए। घाइतेमध्ये ऋतुलाई उपचारका लागि अस्पताल लैजाने क्रममा बाटैमा मृत्यु भएको प्रहरीले जनाएको छ। मृतकका श्रीमान् र छोराको स्थानीय अस्पतालमा उपचार भइरहेको छ। ठक्कर दिने बससहित चालकलाई इलाका प्रहरी कार्यालय धुलाबारीले नियन्त्रण लिएको जनाइएको छ।