Follow @khasokhasmag

वस दुर्घटनामा वडा सदस्यको मृत्यु


प्रकाशित मिति : पुस ८, २०७४ शनिबार

पोखरा, ८ पुस । कास्कीको भाचोकमा बस पल्टिँदा वडा सदस्यको मृत्यु भएको छ । पोखराबाट भाचोकतर्फ गइरहेको ना ३ ख ७४३६ नम्बरको बस शुक्रबार साँझ दुर्घटना हुँदा मादी गाउँपालिका वडा नम्बर ९ का दलित महिला सदस्य पदमकुमारी नेपालीको मृत्यु भएको छ भने अन्य ९ जना घाइते भएका छन् ।

उनको घटनास्थलमै मृत्यु भएको जिल्ला प्रहरी कार्यालय कास्कीले जानकारी दिएको छ । २०७४ वैशाख ३१ गते सम्पन्न स्थानीय तहको निर्वाचनमा उनी नेपाली कांग्रेसबाट वडा सदस्यमा निर्वाचित भएकी थिइन् ।

बस सडकबाट करीब एक सय मिटर तल खसेर दुर्घटनाग्रस्त भएको छ । सडकको डिल भत्केर गाडी पल्टिएको स्थानीयले बताएका छन् । घाइतेहरुलाई राती नै उद्धार गरेर पोखराका मनिपाल, फिस्टेल, पश्चिमाञ्चललगायतका अस्पतालहरुमा उपचार गर्न लगिएको थियो ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com